ஜூலை 19-ஆம் தேதி ‘டி.என்.ஏ’ ஓடிடியில் வெளியாகிறது
ஜியோ ஹாட்ஸ்டார் ஓடிடி தளத்தின் வாயிலாக, அதர்வா நடித்த ‘டி.என்.ஏ’ திரைப்படம் ஜூலை 19-ஆம் தேதி ரசிகர்களை சந்திக்கவுள்ளது.
நெல்சன் வெங்கடேசன் இயக்கியுள்ள இந்த திரைப்படம், ஜூன் 20-ஆம் தேதி திரையரங்குகளில் வெளிவந்து, விமர்சன ரீதியாக பலரிடமிருந்து நேர்மையான பாராட்டுகளைப் பெற்றது. ஆனால், வசூல் ரீதியாக எதிர்பார்க்கப்பட்ட அளவுக்கு வரவேற்பு கிடைக்கவில்லை. இந்தப் படம் திரையரங்குகளில் வெளிவருவதற்கே முன்னதாகவே, அதன் ஓடிடி மற்றும் தொலைக்காட்சி ஒளிபரப்பு உரிமைகள் விற்கப்பட்டிருந்தன.
இந்நிலையில், தற்போது அதிகாரப்பூர்வமாக ஜியோ ஹாட்ஸ்டார் தளத்தில் ‘டி.என்.ஏ’ திரைப்படம் ஜூலை 19 அன்று வெளியாகும் என அறிவிக்கப்பட்டுள்ளது.
இந்த படத்தில் அதர்வாவுடன் இணைந்து நிமிஷா சஜயன், ரமேஷ் திலக், இயக்குநர் பாலாஜி சக்திவேல், சேத்தன் உள்ளிட்ட பலரும் முக்கிய கதாபாத்திரங்களில் நடித்துள்ளனர். இசைமைப்பில் ஒரு தனித்துவ முயற்சியாக, இந்த படத்தில் ஐந்து புது இசையமைப்பாளர்கள் தலா ஒரு பாடலை இசை அமைத்துள்ளனர்.
பின்னணி இசையை பிரபல இசையமைப்பாளர் ஜிப்ரான் வழங்கியுள்ளார். திரையரங்குகளுக்கு சென்று படம் பார்த்த பலரும் இப்படம் மீது நேர்மையான பாராட்டுக்களை தெரிவித்துள்ளனர். இப்போது, ஜூலை 19-ஆம் தேதி ஓடிடி வெளியீடு நடைபெறவுள்ள நிலையில், இந்த படம் இணையதளத்தில் ரசிகர்களிடையே சிறப்பாக வரவேற்கப்படும் என்ற நம்பிக்கையில் படக்குழுவினர் உள்ளனர்.
