இந்தியாவிற்கும் இந்தோனேசியாவிற்கும் இடையிலான கூட்டு முயற்சிகள் இரு நாடுகளுக்கும் இடையிலான உலகளாவிய ஸ்திரத்தன்மை மற்றும் பிராந்திய ஒத்துழைப்புக்கு பயனளிக்கும் என்று இந்தோனேசிய ஜனாதிபதி பிரபோவோ சுபியாண்டோ கூறியுள்ளார்.
இந்தோனேசிய ஜனாதிபதி பிரபோவோ சுபியாண்டோ நாட்டின் 76வது குடியரசு தின விழாவில் தலைமை விருந்தினராக கலந்து கொள்ள இந்தியா வந்துள்ளார். பிரதமர் மோடி டெல்லியில் உள்ள ஹைதராபாத் மாளிகையில் அவரை வரவேற்றார்.
ஐதராபாத் மாளிகையில் நடைபெற்ற அடுத்தடுத்த சந்திப்பில் இரு தரப்பினருக்கும் இடையே பல ஒப்பந்தங்கள் கையெழுத்தானன. கூட்டத்திற்குப் பிறகு பேசிய ஜனாதிபதி பிரபோவோ சுபியாண்டோ, பிரிக்ஸ் அமைப்பில் இந்தோனேசியாவை உறுப்பினராக்குவதற்கு இந்தியாவுக்கு நன்றி தெரிவிப்பதாகக் கூறினார்.
மேலும் பேசிய அவர், இந்தியாவிற்கும் இந்தோனேசியாவிற்கும் இடையிலான கூட்டு முயற்சிகள் இரு நாடுகளுக்கும் இடையிலான உலகளாவிய ஸ்திரத்தன்மை மற்றும் பிராந்திய ஒத்துழைப்புக்கு பயனளிக்கும் என்று கூறினார்.
இந்தியாவிலிருந்து கற்றுக்கொண்ட அனுபவத்தின் அடிப்படையில் இந்தோனேசியா பல திட்டங்களை செயல்படுத்தி வருவதாகக் கூறிய அவர், இன்றைய கூட்டத்தில், சுற்றுலா, சுகாதாரம், பாதுகாப்பு மற்றும் டிஜிட்டல் உள்ளிட்ட துறைகளில் ஒத்துழைப்பை வலுப்படுத்த இந்தோனேசிய தரப்பு ஒப்புதல் அளித்துள்ளதாகவும் கூறினார்.
