சர்வதேச சந்தை நிலவரங்களைப் பொருத்து, தங்கத்தின் விலை உயர்வும் குறைவும் காணப்படுகிறது. கடந்த மாதம் 28ம் தேதி முதல் தங்கம் மீண்டும் விலை உயரத் தொடங்கியது.
இந்த உயர்வு படிப்படியாக நடைபெற்று, கடந்த 2ம் தேதி தங்கத்தின் விலை பவுனுக்கு ரூ.1,120 உயர்ந்து பொதுமக்களை ஆச்சரியத்தில் ஆழ்த்தியது. அதன் பின்னரும் விலை மேன்மேலும் உயரும் சூழ்நிலை தொடர்ந்தது. நேற்று, சென்னையில் ஆபரணத் தங்கத்தின் விலை ரூ.73,000-ஐ கடந்து விட்டது.
ஒரு பவுனுக்கு ரூ.320 உயர்வுடன், ரூ.73,040-க்கு விற்பனை செய்யப்பட்டது. அதே சமயம், ஒரு கிராம் தங்கம் ரூ.40 உயர்ந்து, ரூ.9,130 என்ற விலையில் விற்கப்பட்டது. வெள்ளி விலையில் எந்த மாற்றமும் இல்லாமல், ஒரு கிராம் ரூ.114-க்கே விற்பனை தொடர்கிறது.
