மெட்ராஸ் மேட்னி’ வெற்றியை கொண்டாடிய விழா சென்னையில் நடைபெற்றது
சத்யராஜ், காளி வெங்கட், ஷெல்லி, ரோஷினி ஹரிப்பிரியன், விஷ்வா உள்ளிட்ட பலர் நடித்திருக்கும் திரைப்படம் ‘மெட்ராஸ் மேட்னி’, கார்த்திகேயன் மணி இயக்கத்தில் கடந்த மாதம் 6-ம் தேதி வெளியானது. வெளியானதும் ரசிகர்களிடம் நல்ல வரவேற்பை பெற்றதால், இப்படத்தின் வெற்றியை முன்னிட்டு சென்னையில் விழா நடத்தப்பட்டது. பட குழுவினர் நிகழ்ச்சியில் கலந்து கொண்டனர்.
அந்த விழாவில் பேசிய நடிகர் காளி வெங்கட், “இந்தப் படத்தில் நான் நடித்த பாத்திரம், எனது தந்தையைக் நினைவுபடுத்தியது. அவருக்காக ஒரு மரியாதையாக இதை ஒப்புக் கொண்டேன். இப்படியான ஒரு வாய்ப்பு மீண்டும் கிடைக்குமா என தெரியாது. நான் நடிப்பது ரசிகர்களிடம் இவ்வளவு பெரும் தாக்கத்தை ஏற்படுத்தும் என எதிர்பார்க்கவில்லை.
கலையில்தான் அழுகையை ரசிக்க முடியும். ‘ஒரு சாதாரண மனிதனின் வாழ்க்கையை சினிமாவாக எடுப்பதில் என்ன சிறப்பு?’ என்ற கேள்விக்கான மிகச் சிறந்த பதிலாக இந்தப் படம் உள்ளது. அதற்காக இயக்குநர் கார்த்திகேயன் மணிக்கு என் பாராட்டுகள். இந்த படமூலம் பலருக்கும் புதிய நம்பிக்கை கிடைத்திருக்கிறது,” என்று தெரிவித்தார்.
