சுவிஸ் வங்கிகளில் இந்தியர்களின் வைப்பு 10 ஆண்டுகளில் 18% குறைவு
சுவிஸ் தேசிய வங்கியின் (SNB) சமீபத்திய தரவுகளின்படி, கடந்த பத்து ஆண்டுகளில் இந்திய வாடிக்கையாளர்கள் வைத்திருந்த தொகை 18 சதவீதம் குறைந்துள்ளது. 2015-இல் இந்த வைப்பு 425 மில்லியன் சுவிஸ் பிராங்குகள் இருந்ததெல்லாம், 2024-இல் 346 மில்லியனாக குறைந்துள்ளது.
கோவிட் காலத்தில் இந்த வைப்பு 602 மில்லியன் சுவிஸ் பிராங்குகளைத் தொட்டது. ஆனால் அதன் பிறகு சீராகக் குறையத் தொடங்கியது. 2023-இல் 309 மில்லியன் ஆக வீழ்ந்த நிலையில், 2024-இல் சிறு உயர்வாக 346 மில்லியன் சுவிஸ் பிராங்குகள் எட்டியது. ஆனால், மொத்தக் கணக்கில் இது ஒரு சரிவே ஆகும்.
இந்தியாவுக்கு மட்டுமல்லாமல், உலகின் பல நாடுகளுக்கும் இதே போக்கு காணப்படுகிறது.
- இங்கிலாந்து: 44 பில்லியனில் இருந்து 31 பில்லியன் (2024)
- சீனா: 5.01 பில்லியனில் இருந்து 4.3 பில்லியன்
- பாகிஸ்தான்: 947 மில்லியனில் இருந்து 241 மில்லியன் (75% வீழ்ச்சி)
- வங்கதேசம்: 48 மில்லியனில் இருந்து 12.6 மில்லியன் (73% வீழ்ச்சி)
- சவுதி அரேபியா: 8.3 பில்லியனில் இருந்து 4.8 பில்லியன்
- அமெரிக்கா: 64.2 பில்லியனில் இருந்து 24.4 பில்லியன் (62% குறைவு)
இதன் பின்னணி காரணமாக, சுவிஸ் வங்கிகளில் கடுமையான விதிமுறைகள், கண்காணிப்பு மற்றும் சர்வதேச நிதி ஒழுங்குமுறை ஏற்பாடுகள் காரணமாக, வெளிநாட்டு வைப்புகள் குறைந்துள்ளன என்று நிபுணர்கள் கருதுகின்றனர்.
