வடக்கு ஈரானில் சக்தி வாய்ந்த நிலநடுக்கம் – அணு ஆயுத சோதனை

வடக்கு ஈரானில் சக்தி வாய்ந்த நிலநடுக்கம் – அணு ஆயுத சோதனை சந்தேகம் ஏற்படுத்தியது

வடக்கு ஈரானில் உள்ள செம்னான் பகுதியில், நேற்று முன்தினம் ரிக்டர் அளவுகோலில் 5.1 புள்ளிகளைச் சேர்ந்த ஒரு சக்திவாய்ந்த நிலநடுக்கம் ஏற்பட்டது. நிலநடுக்கம் 10 கி.மீ ஆழத்தில், செம்னானில் இருந்து தென்மேற்கே 27 கி.மீ தொலைவில் பதிவானது. இதனால் அந்த பகுதியில் லேசான பாதிப்புகள் ஏற்பட்டன; உயிரிழப்பு எதுவும் இல்லை என்று ஈரான் அரசு அறிவித்தது.

செம்னான், ஈரானின் ஏவுகணை உற்பத்தி மையத்திற்கு அருகில் அமைந்துள்ளது. அணு ஆயுதங்கள் தொடர்பான ஈரானின் செயல்பாடுகள் குறித்து உலக நாடுகள் ஏற்கனவே கவலையுடன் உள்ள நிலையில், இந்த நிலநடுக்கம் அணு ஆயுத சோதனையின் விளைவா என்ற சந்தேகத்தையும் எழுப்பியது.

ஈரானில் வருடத்திற்கு சராசரியாக 2,100 நிலநடுக்கங்கள் ஏற்படுகின்றன. இதில் 15–16 நிலநடுக்கங்கள் மட்டும் 5 புள்ளிகளை விட அதிகமாக பதிவாகின்றன. 2006 முதல் 2015 வரையிலான பத்தாண்டுகளில் மட்டும் 96,000 நிலநடுக்கங்கள் பதிவாகியுள்ளன.

பூமிக்கடியில் அணு ஆயுத சோதனை நடத்தினாலும் அதிர்வு ஏற்படும். எனினும், இயற்கை நிலநடுக்கத்துக்கும் அணு குண்டு சோதனை அதிர்வுக்கும் வேறுபாடுகளை நிபுணர்கள் அடையாளம் காண முடியும்.

இந்த நிலையில், சமீபத்திய நிலநடுக்கம் இயற்கையாக ஏற்பட்டதென்று அமெரிக்க புவியியல் ஆய்வகம் (USGS) மற்றும் அணு ஆயுத சோதனை தடை ஒப்பந்த அமைப்பு (CTBTO) உறுதிபடுத்தியுள்ளன.