இலங்கையில் வங்கதேசம் சுற்றுப்பயணம் – முதல் டெஸ்டில் வங்கதேசம் அதிரடி காட்டும் காட்சிகள்
இலங்கையில் நடைபெற்று வரும் சுற்றுப்பயணத்தின் கீழ், வங்கதேச கிரிக்கெட் அணி தற்போது இலங்கை அணிக்கு எதிராக போட்டியாடி வருகிறது. இரு அணிகள் மோதும் முதல் டெஸ்ட் போட்டி நேற்று காலே நகரத்தில் தொடங்கியது.
டாஸ் வென்று முதலில் பேட்டிங் தேர்ந்தெடுத்த வங்கதேச அணி, தொடக்கத்தில் தடுமாறியது. ஆரம்பத்தில் வெறும் 45 ரன்களுக்கு மூன்று முக்கிய விக்கெட்களை இழந்தது. அனாமுல் ஹக் (0), ஷத்மான் இஸ்லாம் (14), மற்றும் மொமினுல் ஹக் (29) விரைவில் அவுட்டாகி வெளியேறினர்.
அதன்பின் களத்தில் வந்த கேப்டன் நஜ்முல் ஹொசைன் ஷான்டோ மற்றும் அனுபவம் வாய்ந்த முஸ்பிகுர் ரகிம் ஆட்டத்தை சீராக இழுத்துச் சென்றனர். நஜ்முல் ஹொசைன் ஷான்டோ 202 பந்துகளை எதிர்கொண்டு, ஒரு சிக்ஸரும் 11 பவுண்டரிகளும் அடித்து தனது 6-வது டெஸ்ட் சதத்தை பதிவு செய்தார். முஸ்பிகுர் ரகிம் 176 பந்துகளில் 5 பவுண்டரிகளுடன் தனது 12-வது சதத்தை அடைந்தார்.
நேற்று நடைபெற்ற முதல் நாள் முடிவில், வங்கதேச அணி 90 ஓவர்களில் மூன்று விக்கெட்களை மட்டுமே இழந்து 292 ரன்கள் சேர்த்துள்ளது. நஜ்முல் ஹொசைன் ஷான்டோ (136) மற்றும் முஸ்பிகுர் ரகிம் (105) இருவரும் ஆட்டமிழக்காமல் களத்தில் நீடித்து வருகின்றனர். இவர்கள் இருவரும் சேர்ந்து 4-வது விக்கெட்டுக்காக 247 ரன்கள் சேர்த்துள்ளனர். இன்னும் ஏழு விக்கெட்கள் கையில் உள்ள நிலையில், வங்கதேச அணி இன்று 2-வது நாள் ஆட்டத்தை தொடர்கிறது.
