ஜெய்டன் சீல்ஸுக்கு அபராதம் – ஐசிசி நடவடிக்கை
மேற்கு இந்திய வேகப் பந்துவீச்சாளர் ஜெய்டன் சீல்ஸுக்கு, போட்டி நேரத்தில் காண்பித்த அதிர்ச்சிகரமான நடத்தை காரணமாக ஐசிசி அபராதம் விதித்துள்ளது. பார்படோஸில் நடைபெற்ற ஆஸ்திரேலியாவுடனான முதல் டெஸ்ட் போட்டியின் போது, ஆஸ்திரேலிய கேப்டன் பாட் கம்மின்ஸை அவுட் செய்த பிறகு, சீல்ஸ் அவரை நோக்கி ‘வெளியேறு’ என்றபடி சைகை காட்டினார். இது தொடர்பாக மேட்ச் ரெஃபரிக்கு புகார் அளிக்கப்பட்டது.
ஐசிசியின் நடத்தை விதிமுறைகளின்படி, சீல்ஸின் போட்டி ஊதியத்தில் 15 சதவீதம் பிடிக்கப்படுகிறது. இதுடன், இது கடந்த 2 ஆண்டுகளில் அவருக்கான இரண்டாவது தவறு என்பதால், அவருக்கு 2 தகுதி இழப்புப் புள்ளிகளும் வழங்கப்பட்டுள்ளன.
இந்த போட்டியில் சீல்ஸ் 5 விக்கெட்டுகள் வீழ்த்தியதும் குறிப்பிடத்தக்கது.
ஆஸ்திரேலியாவின் வெற்றி
பார்படோஸில் ஜூன் 25-ம் தேதி தொடங்கிய முதல் டெஸ்ட் போட்டியில், ஆஸ்திரேலியா முதல் இன்னிங்ஸில் 180 ரன்களும், மேற்கு இந்தியத் தீவுகள் 190 ரன்களும் எடுத்தன. 2-வது இன்னிங்ஸில் ஆஸ்திரேலியா 310 ரன்களுக்கு ஆல் அவுட் ஆனது. டிராவிஸ் ஹெட் (61), பியூ வெப்ஸ்டர் (64), அலெக்ஸ் கேரி (64) நன்கு விளையாடினர்.
301 ரன்கள் என்ற இலக்கை தொடர முயன்ற மே.இந்திய அணி 141 ரன்களில் வீழ்ந்தது. ஆஸ்திரேலிய பந்துவீச்சாளர் ஹேசில்வுட் 5 விக்கெட்டுகளை வீழ்த்தினார். எனவே, ஆஸ்திரேலியா 159 ரன்கள் வித்தியாசத்தில் வெற்றிபெற்றது.
