இன்று 10 மாவட்டங்களில் கனமழை ஏற்படக்கூடும் என வானிலை மையம் எச்சரிக்கை

நீலகிரி, கோவை உள்ளிட்ட 10 மாவட்டங்களில் இன்று கனமழை கொட்டக் கூடும் வாய்ப்பு இருப்பதாக சென்னை வானிலை ஆய்வு மையம் வெளியிட்டுள்ள தகவலில் தெரிவிக்கப்பட்டுள்ளது.

வானிலை மையத்தின் அறிவிப்பு:

தெற்குப் ஆந்திரா மற்றும் அதன் அருகிலுள்ள பகுதிகளில் நிலவும் மேலடுக்கு வளிமண்டல சுழற்சி மற்றும் தென்னிந்தியாவில் நிலவும் மேலடுக்கு சுழற்சி காரணமாக, மேற்கு திசையில் வீசும் காற்றில் வேகத்திலான மாறுபாடு உருவாகியுள்ளது.

இதன் விளைவாக, ஜூலை 19 முதல் 24-ம் தேதி வரை, தமிழகத்தின் பல இடங்களில் இடியுடன் கூடிய லேசான மழை முதல் மிதமான மழை பெய்யக்கூடும். சில இடங்களில் மணிக்கு 40 முதல் 50 கி.மீ. வேகத்தில் பலத்த காற்று வீசும் அபாயமும் உண்டு.

இன்று (ஜூலை 19):

• நீலகிரி, கோவை மாவட்டங்களின் மலைப்பகுதிகளில் சில இடங்களில் கனமழை முதல் மிக கனமழை பெய்ய வாய்ப்பு உள்ளது.
• தேனி, தென்காசி, கன்னியாகுமரி, திருவள்ளூர், ராணிப்பேட்டை, வேலூர், திருவண்ணாமலை மற்றும் திருநெல்வேலி ஆகிய மாவட்டங்களின் மலைப்பகுதிகளிலும் சில இடங்களில் கனமழை பெய்யலாம்.

நாளை (ஜூலை 20):

• நீலகிரி மற்றும் கோவையின் மலைப்பகுதிகளில் மீண்டும் கனமழை அல்லது மிக கனமழை சாத்தியம்.
• தேனி, தென்காசி, கன்யாகுமரி மற்றும் திருநெல்வேலி மாவட்ட மலைப்பகுதிகளிலும் கனமழை பொழிய வாய்ப்பு உள்ளது.

சென்னையில் நிலவும் வானிலை:

• வானம் பகுதியளவில் மேகமூட்டத்துடன் காணப்படும்.
• நகரத்தின் சில பகுதிகளில் இடி, மின்னலுடன் லேசான அல்லது மிதமான மழை பெய்யக்கூடும்.

முந்தைய 24 மணி நேர மழைப் பதிவு (நேற்று காலை 8.30 மணி வரை):

• செங்கல்பட்டு மாவட்டம் மதுராந்தகம் – 9 செ.மீ.
• திருவள்ளூர் மாவட்டம் திருத்தணி, விழுப்புரம் மாவட்டம் செஞ்சி – 7 செ.மீ.

Related