ஜிஎஸ்டி வரியில் 12%, 28% வரம்பை நீக்க அமைச்சர்கள் குழு பரிந்துரை
கடந்த சுதந்திர தினத்தில் டெல்லி செங்கோட்டையில் இருந்து நாடாளுமன்ற மக்களுக்கு உரையாற்றிய பிரதமர் மோடி, ஜிஎஸ்டி வரியில் 12% மற்றும் 28% வரம்புகளை நீக்கி வரி முறை எளிதாக்கப்படும் என தெரிவித்தார்.
இதனைத் தொடர்ந்து, ஜிஎஸ்டி கவுன்சில் கூட்டம் டெல்லியில் நேற்று நடைபெற்றது. இதில் மாநில நிதியமைச்சர்கள் கலந்து கொண்டனர். அவர்கள் ஜிஎஸ்டி கவுன்சிலில் அமைச்சர்கள் குழு உறுப்பினர்களாகவும் உள்ளனர். கூட்டத்தில் அவர்கள் 12%, 28% வரம்புகளை நீக்க பரிந்துரை செய்துள்ளனர்.
இந்த பரிந்துரை ஜிஎஸ்டி கவுன்சிலின் இறுதி பரிசீலனைக்கு செல்கிறது. ஒப்புதல் கிடைத்தால், ஜிஎஸ்டி வரியில் இனி 5% மற்றும் 18% மட்டுமே நிலைநிறுத்தப்படும்; மற்ற வரிகள் நீக்கப்படும்.
மேலும், ஆடம்பரப் பொருட்களுக்கு 40% வரிவிதிப்பு அறிமுகப்படுத்தப்பட வாய்ப்பு உள்ளது. மாநிலங்களுக்கான பங்கீடு மற்றும் வருவாய் இழப்புக்கான நஷ்டஈடு தொடர்பான கேள்விகளை ஜிஎஸ்டி கவுன்சில் பரிசீலிக்கும்.
மத்திய அரசு அறிவித்த 12%, 28% வரி நீக்கம் திட்டத்தை அனைத்து அமைச்சர்களும் ஒற்றுமையாக பரிந்துரைத்துள்ளனர். சில மாநிலங்கள் சில கருத்துகளை வெளிப்படுத்தினாலும், அவை ஜிஎஸ்டி கவுன்சிலுக்கு பரிந்துரைக்கப்பட்டுள்ளன என்றும் பிஹார் துணை முதல்வர் மற்றும் ஜிஎஸ்டி அமைச்சர்கள் குழு ஒருங்கிணைப்பாளர் சாம்ராட் சவுத்திரி தெரிவித்தார்.
