காதல் கதையில் ‘டூரிஸ்ட் ஃபேமிலி’ இயக்குநர்
‘டூரிஸ்ட் ஃபேமிலி’ புகழ் அபிஷன் ஜீவிந்த் நாயகனாக நடிக்கும் புதிய காதல் கதாப் படம் எம்ஆர்பி என்டர்டெயின்மென்ட் தயாரிப்பில் உருவாகிறது. சவுந்தர்யா ரஜினிகாந்த், ஸயான் பிலிம்ஸ் சார்பில் இணைத் தயாரிப்பாளராக உள்ளார்.
இப்படத்தில் அபிஷன் ஜீவிந்த் ஜோடியாக மலையாள நடிகை அனஸ்வரா ராஜன் நடிக்கிறார். இசை – ஷான் ரோல்டன், ஒளிப்பதிவு – ஷ்ரேயாஸ் கிருஷ்ணா.
சென்னையில் நடைபெற்ற பூஜை விழாவில் சசிகுமார், சிம்ரன், ஆர்ஜே பாலாஜி, மணிகண்டன், இயக்குநர் ரஞ்சித் ஜெயக்கொடி, பிரபு ராம் வியாஸ், டிடி உள்ளிட்டோர் கலந்து கொண்டு வாழ்த்தினர்.
இப்படத்தை ‘லவ்வர்’, ‘டூரிஸ்ட் ஃபேமிலி’ படங்களில் இணை இயக்குநராக பணியாற்றிய மதன், கதை–திரைக்கதை எழுதி இயக்குகிறார். முழுக்க முழுக்க இளைஞர்களை கவரும் காதல் கதை என கூறப்படுகிறது.
படத்தின் பிற நடிகர்கள் மற்றும் தொழில்நுட்பக் குழுவினர் பற்றிய அறிவிப்பு விரைவில் வெளியாக உள்ளது.
