மும்பையில் மகாராஷ்டிர முதல்வர், துணை முதல்வருடன் அமித் ஷா சந்திப்பு
விநாயகர் சதுர்த்தி விழாவில் பங்கேற்பதற்காக மத்திய உள்துறை அமைச்சர் அமித் ஷா, நேற்று முன்தினம் இரவு மும்பை சென்றடைந்தார். தெற்கு மும்பையில் உள்ள சகயாத்ரி விருந்தினர் இல்லத்தில் தங்கியிருந்த அவரை, மாநில துணை முதல்வர் ஏக்நாத் ஷிண்டே, பாஜக மாநிலத் தலைவர் ரவீந்திர சவாண் உள்ளிட்டோர் நேற்று காலை சந்தித்தனர்.
பின்னர், அமித் ஷா மகாராஷ்டிர முதல்வர் தேவேந்திர பட்னாவிஸை அவரது இல்லத்தில் நேரில் சந்தித்தார். அதன்பின், மும்பை லாக்பாக் பகுதியில் உள்ள புகழ்பெற்ற லால்பாக்சா ராஜா விநாயகர் பந்தலுக்கு சென்று, தனது குடும்பத்தினருடன் வழிபட்டார். அப்போது முதல்வர், துணை முதல்வர் உள்ளிட்டோரும் உடனிருந்தனர்.
மேலும், மேற்கு பாந்த்ரா மற்றும் கிழக்கு அந்தேரி பகுதிகளில் அமைந்திருந்த விநாயகர் பந்தல்களுக்கும் அமித் ஷா சென்றடைந்து வழிபாடு செய்தார்.
