வர்த்தக காஸ் சிலிண்டர் விலை குறைப்பு
சென்னையில், வர்த்தக உபயோகத்திற்கான சமையல் எரிவாயு சிலிண்டர் விலை ரூ.51 குறைந்து, ரூ.1,738 என நிர்ணயிக்கப்பட்டுள்ளது. சர்வதேச சந்தையில் கச்சா எண்ணெய் விலை மாற்றம் மற்றும் டாலருக்கு எதிரான இந்திய ரூபாய் மதிப்பு ஆகியவற்றின் அடிப்படையில், எண்ணெய் நிறுவனங்கள் பெட்ரோல், டீசல், எல்பிஜி உள்ளிட்டவற்றின் விலையை நிர்ணயித்து வருகின்றன.
அதன்படி, இம்மாதம் வர்த்தக காஸ் சிலிண்டர் விலையில் குறைப்பு செய்யப்பட்டுள்ளது. கடந்த மாதம் 19 கிலோ எடையுடைய வர்த்தக சிலிண்டர் ரூ.1,789-க்கு விற்பனையாகியிருந்தது. இப்போது ரூ.51.50 குறைந்து, ரூ.1,737.50-க்கு கிடைக்கிறது.
வர்த்தக காஸ் சிலிண்டர் விலை, கடந்த ஜனவரி மற்றும் பிப்ரவரி மாதங்களில் குறைக்கப்பட்டிருந்தாலும், மார்ச் மாதத்தில் உயர்த்தப்பட்டது. பின்னர் ஏப்ரல் மாதத்திலிருந்து தொடர்ந்து குறைந்து வருகிறது. அந்த வகையில், கடந்த ஆறு மாதங்களில் மொத்தம் ரூ.227 குறைப்பு செய்யப்பட்டுள்ளது.
இதற்கிடையில், வீட்டு உபயோக எல்பிஜி சிலிண்டர் விலையில் எந்த மாற்றமும் இல்லாமல், ரூ.868.50-க்கு விற்பனை தொடர்கிறது.
