கென் கருணாஸ் இயக்கி நடிக்கும் புதிய படம் – பெயர் ‘காதலன்’
‘அசுரன்’ படத்தில் தனுஷின் மகனாக நடித்ததன் மூலம் ரசிகர்களிடம் அறிமுகமான கென் கருணாஸ், தற்போது இயக்குநராகவும், கதாநாயகனாகவும் களம் இறங்கி உள்ளார். அவரே இயக்கி நடிக்கும் இந்தப் படத்திற்கு ‘காதலன்’ என்ற பெயர் சூட்டப்பட்டுள்ளது.
நடிகர் கருணாஸின் மகனான கென், ‘அசுரன்’ பிறகு பல்வேறு திரைப்படங்களில் முக்கிய வேடங்களில் நடித்திருந்தார். இப்போது தனது முதல் இயக்குநர் முயற்சியிலும் ஹீரோவாக நடித்து வருகிறார்.
இப்படத்தில் கதாநாயகிகளாக ஸ்ரீதேவி, அனிஷ்மா, ப்ரியன்ஷி யாதவ் ஆகியோர் நடிக்கின்றனர். ‘கோர்ட்’ என்ற தெலுங்கு படத்தின் மூலம் பிரபலமானவர் ஸ்ரீதேவி என்பதும் குறிப்பிடத்தக்கது. படப்பிடிப்பு தற்போது சென்னை மற்றும் அதன் சுற்றுவட்டாரப் பகுதிகளில் நடைபெற்று வருகிறது.
மேலும், சுராஜ் வெஞ்சுரமுடு முக்கிய கதாபாத்திரத்தில் நடிக்கிறார். பள்ளி வாழ்க்கையை மையமாகக் கொண்டு கதை நகரும் என தகவல் வெளியாகியுள்ளது. இப்படத்துக்கு இசையமைப்பாளராக ஜி.வி. பிரகாஷ் பணியாற்றுகிறார்.
சமீபத்தில் நடைபெற்ற படப்பூஜை விழாவில் பல முன்னணி நடிகர்கள் கலந்து கொண்டு கென் கருணாஸுக்கு வாழ்த்துகள் தெரிவித்தனர்.
