சிவகார்த்திகேயனின் 25-வது படம் ‘பராசக்தி’ – பொங்கலுக்கு ரிலீஸ்
இயக்குனர் சுதா கொங்கரா இயக்கத்தில் சிவகார்த்திகேயன் கதாநாயகனாக நடிக்கும் படம் பராசக்தி. இது அவருடைய 25-வது படமாகும். இதில் ரவி மோகன் வில்லனாகவும், ஸ்ரீலீலா, அதர்வா, ராணா போன்றோர் முக்கிய வேடங்களில் நடிக்கின்றனர்.
டான் பிக்சர்ஸ் தயாரிக்கும் இப்படத்துக்கு ஜி.வி. பிரகாஷ் குமார் இசையமைக்க, ரவி கே. சந்திரன் ஒளிப்பதிவு செய்கிறார். 1960களின் காலப்பின்னணியில், கல்லூரி வளாகத்தை மையமாகக் கொண்டு, இந்தி எதிர்ப்பு போராட்டக் கதை சொல்லப்படுகிறது.
இந்தப்படத்தின் வெளியீட்டு தேதியை டான் பிக்சர்ஸ் அறிவித்துள்ளது. அதன்படி, பொங்கல் திருநாளை முன்னிட்டு 2026 ஜனவரி 14-ம் தேதி ‘பராசக்தி’ திரையரங்குகளில் வெளியாகிறது.
ஏற்கனவே ஜனவரி 9-ம் தேதி விஜய்யின் ஜனநாயகன் வெளியாகும் என அறிவிக்கப்பட்டுள்ள நிலையில், பொங்கல் திரையரங்கு போட்டியில் பராசக்திவும் இணைகிறது.
Facebook Comments Box
