நாட்டின் மொத்த விலை பணவீக்கம் ஆகஸ்ட் மாதத்தில் 0.52% உயர்வு
நாட்டு மொத்த விலை பணவீக்கம் (WPI) ஆகஸ்ட் மாதத்தில் 0.52% ஆக அதிகரித்தது. உணவு மற்றும் உற்பத்தி செய்யப்பட்ட பொருட்களின் விலைகள் உயர்வின் காரணமாக மொத்த விலை பணவீக்கம் உயர்ந்துள்ளதாக அரசு தரப்பில் தெரிவித்துள்ளது.
முன்னொரு மாதங்களில், மொத்த விலை பணவீக்கம் ஜூலை -0.58% மற்றும் ஜூன் -0.19% ஆக இருந்தது. கடந்த ஆண்டு ஆகஸ்ட் மாதத்தில் இது 1.25% ஆக இருந்தது; ஆனால் இந்த ஆண்டு ஆகஸ்ட் மாதத்தில் 0.52% ஆக உயர்ந்துள்ளது.
தொழில்துறை அமைச்சகம் வெளியிட்ட அறிக்கையில், “ஆகஸ்ட் 2025 இல் உணவுப் பொருட்கள், உற்பத்தி பொருட்கள், உணவு அல்லாத பொருட்கள், உலோகம் அல்லாத கனிமங்கள் மற்றும் போக்குவரத்து உபகரணங்கள் போன்றவற்றின் விலைகளில் ஏற்பட்ட அதிகரிப்பால் மொத்த விலை பணவீக்கம் உயர்ந்துள்ளது” என குறிப்பிடப்பட்டுள்ளது.
உணவுப் பொருட்களின் எதிர்மறை பணவீக்கம் ஆகஸ்ட் மாதத்தில் 3.06% ஆக குறைந்தது; ஜூலை மாதத்தில் அது 6.29% ஆக இருந்தது. ஆகஸ்ட் மாதத்தில் காய்கறிகளின் எதிர்மறை பணவீக்கம் 14.18% ஆக இருந்தது, ஜூலை மாதத்தில் இது 28.96% ஆக இருந்தது. எரிபொருள் மற்றும் மின்சாரத் துறையில் ஜூலை மாதத்தில் -2.43% எதிர்மறை பணவீக்கம், ஆகஸ்ட் மாதத்தில் -3.17% ஆக அதிகரித்துள்ளது.
