ZOHO அரட்டை செயலி நவம்பரில் புதிய அம்சங்களுடன் வெளியீடு
ZOHO நிறுவனர் ஸ்ரீதர் வேம்பு, ZOHO நிறுவனத்தை பங்குச்சந்தையில் இறங்கச் செய்யும் திட்டமில்லை என்றும், முதலீட்டாளர்களின் அழுத்தம் நிர்வாகங்களில் குழப்பத்தை ஏற்படுத்தும் என்றும் தெரிவித்தார்.
சுமார் 10 ஆண்டுகளுக்கு முன்பு அமெரிக்காவில் உயர் சம்பளத்துடன் இருந்த வேலையை விட்டு, எந்த வெளிப்புற நிதியுதவியும் இல்லாமல் இந்திய கிராமத்தில் உலகளாவிய தொழில்நுட்ப நிறுவனத்தை உருவாக்கிய ஸ்ரீதர் வேம்பு, ZOHO நிறுவனத்தை ஆரம்பித்து மைக்ரோசாப்ட், கூகுள், மெட்டா போன்ற பெரிய நிறுவனங்களுடன் போட்டியிடக்கூடிய வணிக மென்பொருளை உருவாக்கி சாதனை படைத்தார்.
ZOHO, 180-க்கும் மேற்பட்ட நாடுகள் மற்றும் 100 மில்லியனுக்கும் மேற்பட்ட பயனர்களுடன் 50க்கும் மேற்பட்ட கிளவுட் அடிப்படையிலான மென்பொருள் தயாரிப்புகளை உருவாக்கியுள்ளது. மின்னஞ்சல் முதல் வணிக மேலாண்மை வரை ZOHO மென்பொருட்கள் உலகளவில் சிறந்தவை என மதிப்பிடப்படுகின்றன.
ZOHO அரட்டை (Arattai) மெசஞ்சர் செயலி வாட்ஸ் அப்புக்குப் பதிலாக வடிவமைக்கப்பட்டுள்ளது. 8 kbps குறைந்த இன்டர்நெட் வேகத்திலும் செயல்படும் வகையில் புதுப்பிக்கப்பட்டது. அதேபோல், ZOHO மெயில் சேவை GMAILக்கு போட்டியாக உருவாக்கப்பட்டுள்ளது. கடந்த 7 நாட்களில் ZOHO மெயில் 50 லட்சம் பதிவிறக்கங்களைத் கடந்துள்ளது.
ZOHO அரட்டை செயலி, நாளுக்கு 3,000 பதிவுகளிலிருந்து 3.5 லட்சம் பதிவுகளுக்கு உயர்ந்துள்ளது. இந்தியாவில் ஆப் ஸ்டோர் தரவரிசையில் மூன்று நாட்களிலேயே முதலிடம் பிடித்துள்ளது. புதிய Arattai செயலியில் செய்தி அனுப்புதல், அழைப்புகள், குரல் குறிப்புகள், மீடியா பகிர்வு மற்றும் ஆண்ட்ராய்டு டிவி ஆதரவு போன்ற முக்கிய அம்சங்கள் இடம்பெறும். ஏற்கெனவே எண்ட்-டு-எண்ட் என்க்ரிப்ஷன் வழங்கப்பட்டுள்ளது.
ஸ்ரீதர் வேம்பு, ZOHO பொதுச் சந்தையில் பட்டியலிடப்பட்டிருந்தால் Arattai உருவாக முடியாது என்றும், நீண்ட தூர R&D மற்றும் சந்தை அழுத்தங்களைத் தாங்க முடியாது என்றும் தெரிவித்துள்ளார். ZOHO, மென்பொருள் நிறுவனம் மட்டுமல்ல, தனி நிதியுதவி பெறும் அறிவியல் ஆராய்ச்சி ஆய்வகமாக இருப்பதாகவும் அவர் கூறியுள்ளார்.
முதல் முதலீட்டாளர்களின் அழுத்தத்தால் குழப்பம் ஏற்படும் போதும், ஸ்ரீதர் வேம்பு இந்திய கிராமப்புற மேம்பாடு மற்றும் உலக தரமான நிறுவனங்களை உருவாக்கும் முயற்சியில் கவனம் செலுத்தி வருகிறார் என்று பொருளாதார வல்லுநர்கள் பாராட்டுகின்றனர்.
