ஆர்எஸ்எஸ் நூற்றாண்டு விழாவுக்கு தபால் தலை, 100 ரூபாய் நாணயம் வெளியீடு: பினராயி விமர்சனம்

ஆர்எஸ்எஸ் நூற்றாண்டு விழாவை தபால் தலை மற்றும் 100 ரூபாய் நாணயத்துடன் நினைவுகூருவது நமது அரசியலமைப்புக்கு எதிரான மிகப்பெரிய அவமானமாகும் என்று கேரள முதல்வர் பினராயி விஜயன் விமர்சித்துள்ளார். மேலும், இஸ்ரேலில் உள்ள யூதர்களும் இந்தியாவில் உள்ள ஆர்எஸ்எஸ் தொண்டர்களும் இரட்டை சகோதரர்களே என்றார்.

கண்ணூரில் நடந்த பொதுக் கூட்டத்தில் பினராயி விஜயன் கூறியதாவது:

“இஸ்ரேலில் உள்ள யூதர்களும் இந்தியாவில் ஆர்எஸ்எஸ் இரட்டை சகோதரர்கள். இந்திய பிரதமர் நரேந்திர மோடி அமெரிக்க அதிபர் டொனால்டு ட்ரம்பின் பணிவான ஊழியர். ட்ரம்ப் நிர்வாகம் இந்திய குடிமக்களை பிணைக்க முயற்சித்த போது, விசா கட்டணங்களை அதிகரித்த போது மோடி ஒரு வார்த்தை கூட பேசவில்லை. இதே சுயமரியாதை கொண்ட தேசத்தில் நடந்திருந்தால், ரத்தம் ஓடும். ஆனால் பணிவான ஊழியர்களாக மாறும் ஆட்சியாளர்களை நாம் கொண்டிருக்கிறோம்.”

முன்னதாக, பினராயி விஜயன் வெளியிட்ட எக்ஸ் பதிவில் அவர் குறிப்பிட்டதாவது:

“ஆர்எஸ்எஸ் நூற்றாண்டு விழாவை தபால் தலை மற்றும் 100 ரூபாய் நாணயத்துடன் நினைவுகூர்வது நமது அரசியலமைப்புக்கு எதிரான மிகப்பெரிய அவமானம். சுதந்திரப் போராட்டத்தில் இருந்து விலகி, காலனித்துவ ஆட்சியாளர்களுடன் இணைந்து பிளவுபடுத்தும் சிந்தனையை ஊக்குவிக்கும் அமைப்பை இது நியாயப்படுத்துகிறது. இந்த தேசிய மரியாதை நமது உண்மையான சுதந்திரப் போராட்ட வீரர்கள் மற்றும் அவர்கள் கற்பனை செய்த மதச்சார்பற்ற, ஒருங்கிணைந்த இந்தியாவின் நினைவின் மீது நேரடித் தாக்குதலாகும்.”