தலைமை பொறுப்பிலிருந்து ரோஹித் விடுவிப்பு: இந்திய அணிக்கு ஷுப்மன் கில் கேப்டன்

ஆஸ்திரேலியாவுக்கு எதிரான ஒருநாள் கிரிக்கெட் தொடருக்கான இந்திய அணியில் கேப்டனாக ஷுப்மன் கில் நியமிக்கப்பட்டுள்ளார். இதுவரை அணியின் தலைவராக இருந்த ரோஹித் சர்மா, கேப்டன் பொறுப்பிலிருந்து விடுவிக்கப்பட்டுள்ள நிலையில், அவர் அணியில் வீரராக தொடர்கிறார்.

தற்போது இந்திய அணி மேற்கு இந்தியத் தீவுகள் அணிக்கு எதிரான டெஸ்ட் தொடரில் விளையாடி வருகிறது. இந்த தொடர் முடிந்ததும், இந்திய அணி ஆஸ்திரேலியா சென்று 3 ஒருநாள் மற்றும் 5 டி20 போட்டிகள் கொண்ட தொடர்களில் பங்கேற்க உள்ளது. இந்த தொடர் வரும் அக்டோபர் 19ம் தேதி தொடங்குகிறது.

இந்தத் தொடருக்கான அணியை இந்திய கிரிக்கெட் கட்டுப்பாட்டு வாரியம் (BCCI) நேற்று அறிவித்தது.

புதிய அறிவிப்பின்படி —

• ஷுப்மன் கில் கேப்டனாகவும்,
• ஸ்ரேயாஸ் ஐயர் துணை கேப்டனாகவும் நியமிக்கப்பட்டுள்ளனர்.

ரோஹித் சர்மாவும், விராட் கோலியும் அணியில் இடம்பெற்றுள்ளனர்.

அதேநேரத்தில், டி20 தொடர்களுக்கான இந்திய அணிக்கு சூர்யகுமார் யாதவ் கேப்டனாகவும், ஷுப்மன் கில் துணை கேப்டனாகவும் நியமிக்கப்பட்டுள்ளனர்.

ஒருநாள் தொடருக்கான இந்திய அணி:
ஷுப்மன் கில் (கேப்டன்), ரோஹித் சர்மா, விராட் கோலி, ஸ்ரேயாஸ் ஐயர், அக்சர் படேல், கே.எல்.ராகுல் (விக்கெட் கீப்பர்), துருவ் ஜூரல், யஷஸ்வி ஜெய்ஸ்வால், நித்திஷ் ரெட்டி, வாஷிங்டன் சுந்தர், குல்தீப் யாதவ், ஹர்ஷித் ராணா, முகமது சிராஜ், அர்ஷ்தீப் சிங், பிரசித் கிருஷ்ணா.

இந்த மாற்றம் இந்திய கிரிக்கெட் அணியின் அடுத்த தலைமுறை வீரர்களுக்கு முக்கியமான முன்னேற்றமாகக் கருதப்படுகிறது.