“2 ரயில்கள் எதிரெதிர் திசையில் வந்தால்…” – பிரதீப் ரங்கநாதனின் ‘எல்ஐகே’ ரிலீஸ் தள்ளிவைப்பு
பிரதீப் ரங்கநாதன் நடித்த ‘எல்ஐகே’ திரைப்படத்தின் ரிலீஸ் தேதி தள்ளிவைக்கப்பட்டுள்ளதாக படக்குழு அறிவித்துள்ளது.
அறிக்கையில் கூறியதாவது:
“இரண்டு ரயில்கள் ஒரே பாதையில், எதிரெதிர் திசையில் வேகமாக பாய்ந்தால், அது பேராபத்தில் முடியும். இதை தவிர்க்க, மைத்ரி மூவிஸ் தயாரிப்பில் இளம் இயக்குநர் கீர்த்திஸ்வரன் அறிமுகமாகும் ‘டூட்’ படத்திற்கு வழிவிட்டு ‘எல்ஐகே’ ரிலீஸ் தள்ளிவைக்கப்படுகிறது.
எங்கள் ஹீரோ பிரதீப் ரங்கநாதனுக்கு இந்த தீபாவளி மிகப்பெரிய ப்ளாக்பஸ்டராக அமைய வாழ்த்துகிறோம்.
பலமுறை வேண்டுகோள் வைத்தும் மைத்ரி மூவிஸ் நிறுவனத்திடம் ‘டூட்’ படத்தை முன்னிட்டு ரிலீஸ் செய்யும் முயற்சி பலனளிக்கவில்லை.
தற்போது திரைப்படத் துறையும் திரையரங்குகளும் எதிர்கொள்ளும் சவால்களை கருத்தில் கொண்டு, இரண்டு படங்களின் வசூலுக்கும் பாதிப்பே ஏற்படக்கூடாது.
இதன்படி, ‘எல்ஐகே’ திரைப்படம் 2025 டிசம்பர் 18, வியாழக்கிழமை வெளியாகும் என முடிவு செய்யப்பட்டுள்ளது. படக்குழு தனது டீசருக்கு கிடைத்த மாபெரும் வரவேற்புக்கு நன்றி தெரிவித்துள்ளது. மேலும், வரவிருக்கும் வாரங்களில் பாடல்கள் மற்றும் புதிய அப்டேட்கள் வெளியிடப்படும் என அறிவிக்கப்பட்டுள்ளது.
திரைப்படம்: ‘எல்ஐகே’
இயக்கம்: விக்னேஷ் சிவன்
நடிப்பு: பிரதீப் ரங்கநாதன், எஸ்.ஜே.சூர்யா, கீர்த்தி ஷெட்டி, யோகி பாபு, கவுரி கிஷண்
தயாரிப்பு: லலித்குமார்
இசை: அனிருத்
