வளிமண்டல மேலடுக்கு சுழற்சி காரணமாக தமிழகத்தின் 19 மாவட்டங்களில் இன்று கனமழை பெய்ய வாய்ப்புள்ளதாக வானிலை ஆய்வு மையம் தெரிவித்துள்ளது.
இதுகுறித்து, சென்னை வானிலை ஆய்வு மையம் வெளியிட்ட செய்திக் குறிப்பில் கூறியிருப்பதாவது: மத்திய மேற்கு வங்கக்கடலில் நிலை கொண்டிருந்த ‘டானா’ புயல், நேற்று வடக்கு வடமேற்கு திசையில் நகர்ந்து, தீவிர புயலாக வலுப்பெற்றது.
காற்றின் வேகம் மணிக்கு 120 கி.மீ வேகத்தில் மேலும் வடமேற்கு திசையில் நகர்ந்து வடக்கு ஒடிசா மற்றும் மேற்கு வங்க கடலோரப் பகுதிகளில், பூரி-சாகர் தீவுகளுக்கு இடையே, பிடர்கனிகா மற்றும் தாமரா (ஒடிசா) அருகே இன்று காலை கடுமையான புயலாக கரையைக் கடக்கும். அப்போது அந்த பகுதிகளில் மணிக்கு 120 கிலோ மீட்டர் வேகத்தில் பலத்த காற்று வீசக்கூடும். இதற்கிடையில், தென்கிழக்கு அரபிக் கடல் மற்றும் அதை ஒட்டிய லட்சத்தீவு பகுதிகளில் வளிமண்டல மேலடுக்கு சுழற்சி நிலவுகிறது. இதன் காரணமாக இன்றும், 26ம் தேதி முதல் 30ம் தேதி வரை தமிழகத்தில் ஒரு சில இடங்களில் இடி, மின்னலுடன் லேசானது முதல் மிதமானது வரை மழை பெய்யக்கூடும்.
இன்று நீலகிரி, கோவை, ஈரோடு, திருப்பூர், தேனி, திண்டுக்கல், தென்காசி, திருநெல்வேலி, கன்னியாகுமரி, புதுக்கோட்டை, திருச்சி, தஞ்சாவூர், திருவாரூர், நாகப்பட்டினம், மயிலாடுதுறை, பெரம்பலூர், அரியலூர், நாமக்கல், கரூர் மாவட்டங்களிலும், காரைக்காலிலும் கனமழை பெய்ய வாய்ப்புள்ளது. அல்லது இரண்டு இடங்கள். சென்னை மற்றும் புறநகர் பகுதிகளில் இன்று வானம் ஓரளவு மேகமூட்டத்துடன் காணப்படும். நகரின் ஒரு சில இடங்களில் இடி, மின்னலுடன் கூடிய மிதமான மழை பெய்ய வாய்ப்புள்ளது. இவ்வாறு அந்த செய்திக்குறிப்பில் தெரிவிக்கப்பட்டுள்ளது.
