விம்பிள்டன் டென்னிஸ் போட்டியில் அமெரிக்க வீராங்கனை ஜெசிகா பெகுலா, இத்தாலிய வீரர் லாரன்சோ முசெட்டி ஆகியோர் முதலாவது சுற்றில் வெளியேற்றம்!

லண்டனில் நடைபெற்று வரும் விம்பிள்டன் டென்னிஸ் பெருவிழாவின் மகளிர் ஒற்றையர் பிரிவில், உலக தரவரிசையில் மூன்றாவது இடத்தில் உள்ள அமெரிக்காவின் முன்னணி வீராங்கனை ஜெசிகா பெகுலா, 116-வது இடத்தில் உள்ள இத்தாலிய வீராங்கனை எலிசபெட்டா கோசியாரெட்டோவிடம் 6-2, 6-3 என்ற நேர் செட் கணக்கில் வீழ்ந்தார். இந்த தோல்வி பெரும் அதிர்ச்சியாகும்.

சீனாவின் 5-வது நிலை வீராங்கனை குயின்வென் ஹெங், செக் குடியரசை சேர்ந்த 81-வது நிலை வீராங்கனை கேத்ரினா சினியகோவாவிடம் 5-7, 6-4, 1-6 என்ற செட் கணக்கில் தோல்வியடைந்தார்.

ஆண்கள் ஒற்றையர் பிரிவில், முதலிடம் வகிக்கும் இத்தாலிய வீரர் ஜன்னிக் சின்னர், சக நாட்டைச் சேர்ந்த 95-வது நிலை வீரர் லூக்கா நார்டியை எதிர்த்து 6-4, 6-3, 6-0 என்ற நேர் செட் கணக்கில் வெற்றி பெற்று இரண்டாவது சுற்றுக்கு முன்னேறினார்.

11-வது நிலை வீரரான ஆஸ்திரேலியாவின் அலெக்ஸ் டி மினார், 74-வது நிலை ஸ்பெயின் வீரர் ராபர்டோ கார்பல்ஸ் பனாவை 6-2, 6-2, 7-6 (7-2) என்ற கணக்கில் தோற்கடித்து அடுத்த சுற்றுக்கு தகுதி பெற்றார்.

அதேவேளை, 7-வது நிலை வீரரான இத்தாலியர் லாரன்சோ முசெட்டி, 126-வது நிலை ஜார்ஜிய வீரர் நிகோலோஸ் பாசிலாஷ்விலியிடம் 2-6, 6-4, 5-7, 1-6 என்ற செட் கணக்கில் தோல்வியடைந்தார்.

மற்றும் முக்கிய விளையாட்டு செய்திகள்:

• உஸ்பெகிஸ்தானின் தாஷ்கண்டில் நடைபெற்ற 29-வது ஆசிய இளையோர் டேபிள் டென்னிஸ் சாம்பியன்ஷிப் போட்டியில், யு-15 மகளிர் ஒற்றையர் பிரிவில் இந்தியாவின் திவ்யான்ஷி பவுமிக், சீனாவின் ஷூ கீஹியை 4-2 என வென்று தங்கப் பதக்கம் வென்றார்.
• ஐசிசி வெளியிட்ட மகளிர் T20 பேட்டிங் தரவரிசையில், இந்தியாவின் ஸ்மிருதி மந்தனா ஒரு இடம் முன்னேறி மூன்றாவது இடத்தைப் பெற்றுள்ளார்.
• பெங்களூருவில் ஜூலை 5-ஆம் தேதி நடைபெற உள்ள “நீரஜ் சோப்ரா கிளாசிக்” ஈட்டி எறிதல் போட்டியில், காயம் காரணமாக கிரனடாவின் இருமுறை உலக சாம்பியன் ஆண்டர்சன் பீட்டர்ஸ் விலகியுள்ளார். அவருக்குப் பதிலாக போலந்தின் சைப்ரியன் மிர்ஸிக்லோட் பங்கேற்கிறார்.
• ஜிம்பாப்வேவுடன் நடைபெற்ற முதல் டெஸ்ட் கிரிக்கெட் போட்டியில், தென் ஆப்பிரிக்க அணி 328 ரன்கள் வித்தியாசத்தில் வெற்றிபெற்றது. 537 ரன்கள் இலக்குடன் விளையாடிய ஜிம்பாப்வே அணி 208 ரன்களுக்கு சுருண்டது. தென் ஆப்பிரிக்க அணிக்காக கார்பின் போஷ் 5, கோடி யூசுப் 3 விக்கெட்டுகள் வீழ்த்தினர்.
• இந்திய வேகப்பந்து வீச்சாளர் முகமது சிராஜ், ஹைதராபாத் நகரில் “ஜோஹர்பா” என்ற பெயரில் புதிய உணவகத்தைத் திறந்துள்ளார்.