சமூக தீமைகளுக்கு எதிராக துறவிகள் குரல் எழுப்பியுள்ளனர் என்று ஜனாதிபதி திரௌபதி முர்மு கூறியுள்ளார்.
மத்தியப் பிரதேசத்தின் சத்தர்பூரில் உள்ள கதாவில் ஸ்ரீ பாகேஷ்வர் ஜன் சேவா சமிதி ஏற்பாடு செய்திருந்த பிரமாண்டமான திருமண விழாவில் ஜனாதிபதி திரௌபதி முர்மு இன்று பங்கேற்றார்.
திருமண விழாவில் உரையாற்றிய ஜனாதிபதி,
நமது நாடு தற்போது பெண்கள் மேம்பாட்டு நிலையிலிருந்து பெண்கள் தலைமையிலான வளர்ச்சி நிலைக்கு நகர்ந்து கொண்டிருக்கும் நேரத்தில், நமது மகள்கள் மற்றும் சகோதரிகளை வலிமையாகவும் திறமையாகவும் மாற்றுவதற்கு நாம் அனைவரும் பங்களிக்க வேண்டும்.
பெண்களின் கல்வி, சுகாதாரம் மற்றும் பாதுகாப்பில் மக்கள் கவனம் செலுத்த வேண்டும் என்று அவர் வலியுறுத்தினார். நமது சிறிய முயற்சிகள் அவர்களுக்கு அதிகாரம் அளிக்கும் என்று அவர் கூறினார். பெண்கள் தங்கள் கல்வி மற்றும் தன்னம்பிக்கைக்காக தொடர்ச்சியான முயற்சிகளை மேற்கொள்ள வேண்டும் என்றும் அவர் அறிவுறுத்தினார்.
நமது பாரம்பரியத்தில், துறவிகள் பல நூற்றாண்டுகளாக மக்களை வழிநடத்தியுள்ளனர் என்று ஜனாதிபதி கூறினார். சமகால சமூகத்தில் நிலவும் சமூக தீமைகளுக்கு எதிராக அவர்கள் குரல் எழுப்பியுள்ளனர். சாதி மற்றும் பாலின அடிப்படையிலான பாகுபாட்டிற்கு எதிராகவும் அவர்கள் குரல் எழுப்பினர் என்று அவர் கூறினார்.
குருநானக், துறவி ரவிதாசர், துறவி கபீர் தாசர், மீராபாய் அல்லது சந்த் துக்காராம் போன்ற அனைவரும் தங்கள் போதனைகள் மூலம் மக்களை நேரான பாதையைப் பின்பற்ற ஊக்கப்படுத்தியுள்ளனர்.
இந்திய சமுதாயத்திற்கு அவர்களின் பங்களிப்பு அவர்களுக்கு மரியாதைக்குரிய இடத்தைப் பெற்றுத் தந்துள்ளது. சுயசார்பு, இணக்கமான மற்றும் சுற்றுச்சூழல் நட்பு இந்தியாவை உருவாக்குவதில் சமகால ஆன்மீகத் தலைவர்கள் முக்கிய பங்கு வகிக்க முடியும் என்று அவர் கூறினார்.
