“அப்போது ட்ரம்புக்காக டெக்சாஸில் மோடி பிரசாரம்… இன்று 50% வரி!” – திரிணமூல் காங்கிரசின் குற்றச்சாட்டு
அமெரிக்கா விதித்த 50 சதவீத வரி இந்தியாவின் வெளியுறவுக் கொள்கையின் தோல்வியைச் சுட்டிக்காட்டுவதாக திரிணமூல் காங்கிரஸ் பொதுச் செயலாளர் அபிஷேக் பானர்ஜி விமர்சித்துள்ளார்.
அமெரிக்காவின் இந்த 50% வரி விதிப்பை பற்றிய கேள்விக்கு பதிலளித்த அவர், “இத்தகைய வரி விதிப்பு நம் நாட்டின் பொருளாதாரத்தில் கடும் தாக்கத்தை ஏற்படுத்தும். இது இந்திய வெளியுறவுக் கொள்கை முறிவை வெளிக்காட்டுகிறது. இந்தியா இதற்கெதிராக வலுவாக குரல் கொடுக்க வேண்டும். நம்மை அழுத்த முயற்சிக்கின்றவர்களுக்கு இத்தனை அதிகாரம் எப்படிக் கிடைத்தது? ‘56 அங்குல மார்பு’ என்ற கோஷம் கொடுக்கும் ஆட்சி இதை தடுப்பதில் ஏன் தோல்வியடைந்தது?
நான் இவைகளை சொல்ல விரும்பவில்லை. ஆனால், ஆசிய நாடுகளுக்கான அனைத்துக் கட்சிகளின் கூட்டங்களில் பங்கேற்ற அனுபவம் எனக்கிருக்கிறது. பஹல்காம் தாக்குதலுக்குப் பாகிஸ்தான் கண்டனம் தெரிவிக்கவில்லை. இந்த தோல்விக்கு எவர் பொறுப்பு? கொரோனா காலத்தில் ட்ரம்ப்புக்காக குஜராத்தில் பிரச்சாரம் செய்தது யார்? டெக்சாஸில் ட்ரம்ப் ஆதரவு நிகழ்ச்சிக்கு யார் பங்கேற்றது? பாஜகவினர் ட்ரம்ப் வெற்றிக்காக யாகம் செய்ததெல்லாம் சமூக ஊடகங்களில் பதிவு செய்யப்பட்டிருக்கிறது.
2019-ஆம் ஆண்டு பிரதமர் மோடி டெக்சாஸில் ட்ரம்புக்காக பிரசாரம் செய்தது உண்மை. அதனால் இன்று ட்ரம்ப் இந்தியாவுக்கு எதிராக 50% வரி விதிக்க முடிவெடுக்க நேரிட்டிருக்கிறது. இதற்குப் பிரதமர் நேரடியான காரணமாக இருக்கிறார். இந்திய பொருளாதாரத்தைக் தரையில் போட யாராலும் முடியாது. அது மக்கள் அளிக்கும் நம்பிக்கை மற்றும் நேசத்தால் உயிர் வாழ்கிறது. ஆனால் தற்போதைய சூழ்நிலையில் இந்திய பொருளாதாரம் தீவிர சிகிச்சைப் பிரிவில் உள்ளது,” என்று அபிஷேக் பானர்ஜி கூறினார்.
