இந்தியா வல்லரசாக மாறுவதை யாராலும் தடுக்க முடியாது: ராஜ்நாத் சிங்கின் கடும் பதிலடி
அமெரிக்கா-இந்தியா வரி பிரச்சினை கசிந்துகொண்ட நிலையில், மத்திய பாதுகாப்புத் துறை அமைச்சர் ராஜ்நாத் சிங் அமெரிக்க அதிபர் டொனால்ட் ட்ரம்பின் இந்தியா மீது விதித்த 50 சதவிகித வரியை கடுமையாக விமர்சித்துள்ளார்.
மத்திய பிரதேசம் ரைசன் பகுதியில் ரயில் உற்பத்தி மையத்தின் அடிக்கல் நாட்டு விழாவில் கலந்து கொண்ட ராஜ்நாத் சிங் பேசியபோது, “இந்தியா வேகமாக வளர்ச்சி அடையிக் கொண்டிருக்கிறது. ஆனால், சிலர் இதை விரும்பவில்லை மற்றும் பொறுத்துக் கொள்ள முடியவில்லை. உலகில் அனைவரும் முதல்வர் என்று நினைக்கும் சிலர் இந்தியாவின் வளர்ச்சியை தடுக்க முயற்சிக்கின்றனர்.
இந்தியாவில் தயாரிக்கப்படும் பொருட்களின் விலை உயர்ந்தால், பிற நாடுகள் இந்திய பொருட்களை வாங்குவதை நிறுத்துவார்கள் என்று சிலர் நினைக்கிறார்கள். இதற்காக முயற்சிகள் நடைபெற்று வருவதாகவும், ஆனால் இந்தியா தொடர்ந்து முன்னேறிக் கொண்டே இருக்கிறது.
இந்தியா வல்லரசாக மாறுவதை யாரும் தடுக்க முடியாது. தற்போதைய நிலவரத்தில் பாதுகாப்புத் துறை சார்ந்த ஏற்றுமதிகள் பாதிக்கப்படவில்லை. இந்த துறை சார்ந்த ஏற்றுமதிகள் தொடர்ந்து அதிகரித்து வருகின்றன. இது தான் இந்தியாவின் வலிமை” என்று அவர் தெரிவித்துள்ளார்.
