எதிர்க்கட்சிகள் ஆளும் 8 மாநிலங்கள் ஜிஎஸ்டி திருத்தத்துக்கு ஆதரவு: ஜெய்ராம் ரமேஷ் தகவல்
ஜிஎஸ்டி திருத்தத்திற்கு எதிர்க்கட்சிகள் ஆளும் எட்டு மாநில அரசுகள் ஆதரவு தெரிவித்துள்ளதாக காங்கிரஸ் மூத்த தலைவர் ஜெய்ராம் ரமேஷ் தெரிவித்தார்.
காங்கிரஸ் மூத்த தலைவர் ஜெய்ராம் ரமேஷ் தனது சமூக வலைதளத்தில் நேற்று வெளியிட்ட பதிவில் கூறியதாவது: ஜிஎஸ்டி சுருக்குவிகிதத்தை 4 இலிருந்து 2 ஆக குறைப்பது மற்றும் வரி விகிதங்களில் மாற்றம் செய்யும் மத்திய அரசின் முடிவுக்கு கர்நாடகா, இமாச்சலப் பிரதேசம், ஜார்க்கண்ட், கேரளா, பஞ்சாப், தமிழ்நாடு, தெலங்கானா மற்றும் மேற்கு வங்கம் ஆகிய எதிர்க்கட்சிகள் ஆளும் 8 மாநிலங்கள் ஆதரவு தெரிவித்துள்ளன.
அதே நேரம், வரி குறைப்பின் நன்மை முழுமையாக வாடிக்கையாளர்களுக்கு செல்லுமாறு உறுதி செய்ய நடவடிக்கைகள் எடுக்க வேண்டும் என அந்த மாநில அரசுகள் வலியுறுத்தியுள்ளன.
மேலும், ஜிஎஸ்டி திருத்த நடவடிக்கையால் மாநிலங்களுக்கு ஏற்படும் வருவாய் இழப்பை ஈடுகட்ட மத்திய அரசு 5 ஆண்டுகளுக்கு அனைத்து மாநிலங்களுக்கும் நிதியுதவி வழங்க வேண்டும் என்றும் அவர்கள் கோரிக்கை வைத்துள்ளனர். அதேபோல், ஆடம்பர பொருட்களுக்கு முன்மொழியப்பட்டுள்ள 40 சதவீத வரிக்குப் மேலாக கூடுதலாக வரி விதிக்க வேண்டும் என்றும் வலியுறுத்தியுள்ளனர்.
