ஆயுள் தண்டனை பின் தண்டிக்கப்பட்ட பிரஜ்வல் ரேவண்ணாவுக்கு சிறையில் நூலகப் பணியாளர் வேலை: ஒரு நாளுக்கு ரூ.522 ஊதியம்
பாலியல் குற்றச்சாட்டில் ஆயுள் தண்டனை பெற்ற ஹாசன் தொகுதியின் முன்னாள் எம்.பி. பிரஜ்வல் ரேவண்ணாவுக்கு சிறையில் நூலகப் பணியாளர் பொறுப்பு வழங்கப்பட்டுள்ளது. இதனால், அவருக்கு ஒரு நாளுக்கு ரூ.522 ஊதியம் கிடைக்கிறது.
சிறைத் துறை அதிகாரிகள் கூறியதாவது: பாலியல் குற்றச்சாட்டில் ஆயுள் தண்டனை பெற்ற பிரஜ்வல் ரேவண்ணா பெங்களூரு பரப்பன அக்ரஹாரா சிறையில் அடைக்கப்பட்டுள்ளார். அவருக்கு இங்கு நூலகப் பணியாளர் பணி வழங்கப்பட்டுள்ளது. சக கைதிகளுக்கு புத்தகங்களை வழங்குதல், படிக்க வழங்கப்பட்ட புத்தகங்களின் பதிவுகளை பராமரித்தல் போன்ற பணிகளை அவர் செய்ய வேண்டும். இதற்காக அவருக்கு நாள் ஒன்றுக்கு ரூ.522 ஊதியம் வழங்கப்படுகிறது.
சிறை விதிகளின் படி, ஆயுள் தண்டனை பெற்றவர்கள் ஏதேனும் உழைப்புப் பணி செய்யவேண்டும், மேலும் அவர்களது திறமைகளும் விருப்பங்களும் பொருத்தப்பட்டு சிறையில் பணி அளிக்கப்படுகிறது. இது அதிகாரிகள் தெரிவித்த தகவல்.
நிர்வாகப் பணிகளை கையாள்வதில் ரேவண்ணா அதிக ஆர்வம் காட்டுவதாக உள்ளூர் வட்டாரங்கள் தெரிவித்துள்ளன. இருப்பினும், சிறை நிர்வாகம் அவருக்கு நூலகப் பணி வழங்கியுள்ளது. முன்னாள் பிரதமர் தேவ கவுடாவின் பேரன் பிரஜ்வல் ரேவண்ணா என்பதும் குறிப்பிடத்தக்கது.
