குடியரசு துணைத் தலைவர் தேர்தல்: வாக்குப் பதிவு தொடங்கியது

குடியரசு துணைத் தலைவர் பதவிக்கு வாக்குப் பதிவு இன்று காலை 10 மணிக்கு தொடங்கி மாலை 5 மணி வரை நடைபெறுகிறது. பிரதமர் நரேந்திர மோடி முதலில் வாக்களித்து, மத்திய அமைச்சர்கள் கிரண் ரிஜிஜு, ராம் மோகன் நாயுடு உடன் இருந்தனர். பிற மத்திய அமைச்சர்கள் ராஜ்நாத் சிங், அர்ஜுன் ராம் மேக்வால் உள்ளிட்டோரும் வாக்களித்தனர்.

மக்களவை மற்றும் மாநிலங்களவை உறுப்பினர்கள் அனைவரும் இந்த தேர்தலில் வாக்களிக்கிறார். இதில், என்டிஏ கூட்டணி சார்பில் மகாராஷ்டிரா ஆளுநர் சி.பி.ராதாகிருஷ்ணன் (68) மற்றும் எதிர்க்கட்சிகளின் இண்டியா கூட்டணி சார்பில் உச்ச நீதிமன்ற முன்னாள் நீதிபதி சுதர்சன் ரெட்டி (79) போட்டியிடுகின்றனர்.

சி.பி.ராதாகிருஷ்ணன் கோவையைச் சேர்ந்த கொங்கு வேளாளக் கவுண்டர் சமூகத்தை சேர்ந்தவர். இவர் ஆர்எஸ்எஸ் சிந்தனையை ஏற்றுக்கொண்டு, கடந்த தேர்தல்களில் வெற்றி பெற்றவர். மகாராஷ்டிரா ஆளுநராக 2024 ஜூலை 31 முதல் பதவி வகிக்கிறார்.

சுதர்சன் ரெட்டி ஆந்திர பிரதேசத்தில் பிறந்தவர். உச்ச நீதிமன்ற முன்னாள் நீதிபதியாக கடந்த 2011-ம் ஆண்டு ஓய்வுபெற்றார். பணிக்காலத்தில் பல முக்கிய தீர்ப்புகளை வழங்கியவர்.

இந்த தேர்தலில் வாக்களிக்கும் மக்கள் பட்டியலில் 786 உறுப்பினர்கள் உள்ளனர்:

• மக்களவை: 543 (ஒரு இடம் காலி)
• மாநிலங்களவை: 233 (ஐந்து இடம் காலி) + 12 நியமன உறுப்பினர்கள்

மொத்த வாக்குகளின் பெரும்பான்மையும் என்டிஏ கூட்டணிக்கே உள்ளது:

• மக்களவை: 293/542
• மாநிலங்களவை: 129/240
• மொத்தம்: 422/786

இதனால் சி.பி.ராதாகிருஷ்ணனுக்கு அதிக வெற்றி வாய்ப்பு உள்ளது. வாக்குகள் இன்று மாலை 6 மணிக்கு எண்ணப்பட்டு முடிவுகள் அறிவிக்கப்படும்.