ராகுலுக்கு கொலை மிரட்டல்: பாஜகவுக்கு 3 கேள்விகளை எழுப்பிய காங்கிரஸ்

ராகுல் காந்திக்கு கொலை மிரட்டல் விடுக்கப்பட்டதாக காங்கிரஸ் கட்சி குற்றம்சாட்டியுள்ளது. இதன்போது, பாஜகவுக்கு முக்கிய 3 கேள்விகளை காங்கிரஸ் எழுப்பியுள்ளது.

காங்கிரஸ் கட்சியின் எக்ஸ் தளத்தில் வெளியிட்ட அறிக்கைப்படி:

• தொலைக்காட்சி விவாதத்தில் பாஜக உறுப்பினர் பிந்து மகாதேவ் ராகுல் காந்திக்கு வெளிப்படையாக கொலை மிரட்டல் விடுத்தார்.
• இதனைப் பின்பற்றி காங்கிரஸ் கேட்ட கேள்விகள்:
  1. இது ராகுல் காந்திக்கு எதிரான ஒரு மிகப்பெரிய தீய சதி திட்டமா?
  2. மிரட்டல், வன்முறை, கொலை மிரட்டல் வழியாக அரசியல் நடத்துவதை பாஜக ஆதரிக்கிறதா?
  3. அரசின் நிர்வாகத்தை விமர்சிக்கும் மக்களவை எதிர்க்கட்சி தலைவர் மற்றும் பிற எதிர்க்கட்சி தலைவர்களுக்கு எதிரான வன்முறையை இயல்பான ஒன்றாக்க பாஜக முயல்கிறதா?

காங்கிரஸ் தெரிவித்ததாவது, இந்த கொலை மிரட்டல் சம்பவம் சட்டம், ஜனநாயகம் மற்றும் ஒவ்வொரு குடிமகனின் பாதுகாப்புக்கும் நேரடி அச்சுறுத்தல்.

இந்த விவகாரத்தில் நடவடிக்கை எடுக்கும்படி காங்கிரஸ் பொதுச் செயலாளர் கே.சி. வேணுகோபால் உள்துறை அமைச்சர் அமித் ஷா அவர்களுக்கு கடிதம் எழுதியுள்ளார்.