டி20 உலகக் கோப்பையை வென்ற இந்திய வீரர்களுக்கு மும்பையில் நேற்று பாராட்டு விழா நடைபெற்றது.
டி20 உலகக் கோப்பையை வென்ற இந்திய கிரிக்கெட் அணியின் வெற்றி கொண்டாட்டத்தின் ஒரு பகுதியாக மும்பையில் ஐசிசி வீரர்கள் திறந்த பேருந்து ஊர்வலத்தில் அழைத்துச் செல்லப்பட்டனர்.
பிரமாண்ட பேரணிக்கு பிறகு மும்பை வான்கடே மைதானத்தில் இந்திய வீரர்களுக்கு பாராட்டு விழா நடைபெற்றது. இந்திய கிரிக்கெட் வாரியத் தலைவர் ரோஜர் பின்னி மற்றும் செயலாளர் ஜெய் ஷா ஆகியோர் உலகக் கோப்பையை வென்றதற்காக ஊக்கத்தொகையாக ரூ.125 கோடி வழங்க முன்வந்தனர்.
இந்நிலையில் இந்திய அணி கேப்டன் ரோகித் சர்மா ரசிகர்களிடம் பேசுகையில், ‘இந்த சிறந்த அணியை வழிநடத்துவது எனது அதிர்ஷ்டம். அணியில் உள்ள அனைத்து வீரர்களும் சிறப்பாக செயல்பட்டனர். குறிப்பாக இறுதி ஆட்டத்தின் கடைசி ஓவரில் ஹர்திக் பாண்டியாவின் பந்துவீச்சு சிறப்பாக இருந்தது.
மும்பை ஒருபோதும் ஏமாற்றமடையாது. ரசிகர்களின் வரவேற்பு ஆச்சரியமாக இருந்தது. அவர்களுக்கு அணியின் சார்பாக நன்றியை தெரிவித்துக் கொள்கிறோம். இந்த வெற்றி கோடிக்கணக்கான மக்களின் முகத்தில் புன்னகையை வரவழைத்துள்ளது. இந்த உலகக் கோப்பை ஒட்டுமொத்த தேசத்துக்கும் சொந்தமானது. கடந்த 11 ஆண்டுகளாக கோப்பைக்காக காத்திருக்கும் ரசிகர்களுக்கு இதை ஐசிசி சமர்ப்பணம் செய்கிறேன்.
