காங்கிரஸ் தலைவர் கார்கே மருத்துவமனையில் அனுமதி

உடல்நலக்குறைவு காரணமாக அகில இந்திய காங்கிரஸ் கட்சி தலைவர் மல்லிகார்ஜுன கார்கே பெங்களூருவில் உள்ள தனியார் மருத்துவமனையில் அனுமதிக்கப்பட்டுள்ளார்.

பெங்களூருவில் உள்ள எம்.எஸ். ராமையா மருத்துவமனையில் 83 வயது அகில இந்திய காங்கிரஸ் கட்சி தலைவர் மல்லிகார்ஜுன கார்கே அனுமதிக்கப்பட்டு, சிகிச்சை அளிக்கப்பட்டு வருகின்றனர் என்று மருத்துவர்கள் தெரிவித்துள்ளனர்.

காங்கிரஸ் வட்டாரங்களில் வெளியான தகவலின் படி, “மாநிலங்களவை எதிர்க்கட்சித் தலைவரும், காங்கிரஸ் தலைவர் மல்லிகார்ஜுன கார்கேவுக்கு நேற்று (செவ்வாய்க்கிழமை) காய்ச்சலும் கால் வலியும் ஏற்பட்டதால் மருத்துவமனைக்கு அழைத்துச் செல்லப்பட்டார். அவர் தற்போது நலமாக உள்ளார், மருத்துவர்கள் தொடர்ந்து அவரது உடல்நிலையை கண்காணித்து சிகிச்சையளித்து வருகின்றனர்” என்று கூறப்பட்டுள்ளது.