ஊராட்சி பகுதிகளில் தொழில் தொடங்குவதற்கான உரிமக் கட்டணத்தில் மாற்றம்; பட்டியல் வெளியீடு
தமிழக ஊராட்சி எல்லைக்குட்பட்ட பகுதிகளில் தொழிலைத் தொடங்க உரிமம் பெற வேண்டிய தொழில்களின் பட்டியலை அரசு வெளியிட்டுள்ளது. இந்த ஊராட்சி பகுதிகளில் தொழில்களை தொடங்கும் முன் பெற வேண்டிய உரிமக் கட்டணங்கள் புதுப்பிக்கப்பட்டுள்ளன. இந்தத் தகவல் ஊராட்சி சட்டங்களில் செய்யப்பட்ட திருத்தங்களுடன் அரசிதழில் அறிவிக்கப்பட்டுள்ளது.
இந்த நிலையில், எந்தெந்த தொழில்களுக்கு உரிமம் தேவைப்படுகிறது என்பதற்கான விரிவான பட்டியலும் அரசு வெளியிட்டுள்ளது. அதன்படி:
தையல் பொருட்கள் மற்றும் தையல் இயந்திரங்களின் உற்பத்தி, மின்சார மற்றும் மின்னணு சாதனங்கள் தயாரித்தல், மின்மோட்டார்கள் மற்றும் பம்புகள் உற்பத்தி மற்றும் விற்பனை, கல் வெட்டும் பணிகள், காகித பொருட்கள் மற்றும் உலோகப் பொருட்கள் தயாரித்தல், பாத்திரங்களின் உற்பத்தி, தொழில்துறை உபகரணங்கள், மோட்டார் வாகன உதிரிப்பாகங்கள், கட்டிடப் பொருட்கள் தயாரிப்பு, பொறியியல் பணிகள், செங்கல் வட்டிகள், ஆட்டோ உதிரிப்பாக உற்பத்தி, அழகு சாதனப் பொருட்கள், நாட்டுப்புற மருத்துவ உற்பத்தி, மூலிகை சார்ந்த பொருட்கள் மற்றும் கட்டுமானப் பணிகள் ஆகியவற்றுடனான மொத்தம் 48 தொழில்கள், உரிமம் பெற வேண்டியவை என அறிவிக்கப்பட்டுள்ளது.
மேலும் கடைகள் சார்பாக, 119 வகைச் சேவை தொழில்கள் பட்டியலிடப்பட்டுள்ளன. அதில்:
பேன்சி கடை, சைக்கிள் பழுதுபார்ப்பு, பல்வகை பொருள் விற்பனை கடை, ஜெராக்ஸ் சென்டர், புகைப்பட சட்டகம், பொற்கொழுந்துகள், கிரானைட் விற்பனை, சலூன், தையலகம், சலவையகம், காலணிக் கடை, மொபைல் கடை, சைக்கிள் விற்பனை, அச்சகம், ஜவுளிக் கடை, நகை கடை, சமையல் பொருட்கள், அரிசி ஆலை, இறைச்சி மற்றும் மீன் கடை, உணவுப் பொருள் தயாரிப்பு, நாட்டு மருந்து கடை, அழகு சாதன விற்பனை, மருந்துக் கடை, டீ கடை, கடிகாரக் கடை, பார்சல் மற்றும் கூரியர் சேவைகள் உள்ளிட்ட 119 கடைகள் அரசு வெளியிட்ட பட்டியலில் இடம்பெற்றுள்ளன.
