தெற்காசியாவின் நீல வளர்ச்சிக்கு தொடக்கமாகும் முதல் தானியங்கி ஆழ்கடல் துறைமுகம் ‘விழிஞ்ஞம்’!
அந்தர்இருங்கடல் சரக்கு கப்பல்துறை போக்குவரத்தின் வாயிலாக தெற்காசியாவில் நீல வளர்ச்சிக்கு துவக்கமாக மாறும் இந்தியாவின் முதல் தானியங்கி ஆழ்கடல் துறைமுகமாக கேரளத்தின் விழிஞ்ஞம் துறைமுகம் அடையாளமாகிறது.
உலக கடற்பாதையில் ஐரோப்பா, பாரசீக வளைகுடா, துபாய் மற்றும் சிங்கப்பூர் போன்ற மத்திய கிழக்கு மற்றும் ஆசிய நாடுகளின் கடல்வழி வர்த்தகத்திற்கு இந்திய நுழைவாயிலாக விளங்கும் விழிஞ்ஞம் துறைமுகம் கடந்த மே மாதம் பிரதமர் நரேந்திர மோடியால் நாட்டிற்கு அர்ப்பணிக்கப்பட்டது.
இந்த துறைமுகம், உலக வர்த்தகத்தில் இந்தியாவின் கடல் இணைப்பில் புதிய யுக்தியை தொடங்கியுள்ளது. சர்வதேச கடற்கரை எல்லையிலிருந்து 10 நாவிகல் மைல் தொலைவில் இது அமைந்துள்ளது. கொழும்பு துறைமுகத்திற்கு அருகாமையில், புவியியல் தன்மை காரணமாக இயற்கையாகவே 18 முதல் 20 மீட்டர் ஆழமுள்ள துறைமுகமாக உருவெடுத்துள்ளது.
இதன்வழி, எம்எஸ்சி அரினா போன்ற பெரிய சர்வதேச சரக்கு கப்பல்களில் சுமாராக 24,500 கண்டெய்னர்களை சுலபமாக ஏற்றும், இறக்கும் நடவடிக்கைகள் தானியக்க முறையில் செயல்படும் வகையில் கட்டமைக்கப்பட்டுள்ளது.
கேரள மாநில அரசு, மத்திய அரசு மற்றும் அதானி குழுமம் இணைந்து பொது-தனியார் கூட்டுத்தொடராக சுமார் ரூ.8,000 கோடி செலவில் இந்த துறைமுகம் உருவாக்கப்பட்டுள்ளது. 2024-ம் ஆண்டு ஜூலை மாதத்திலிருந்து சோதனைக்காக இதுவரை 415 சரக்கு கப்பல்கள் வந்து சென்றுள்ளன.
முதற்கட்ட கட்டமைப்பில் 10.5 லட்சம் கண்டெய்னர்களை கையாளும் திறனை கொண்டதுடன், இரண்டாம், மூன்றாம் மற்றும் நான்காம் கட்ட வளர்ச்சிப் பணிகள் மூலம் 45 லட்சம் கண்டெய்னர் கையாளும் திட்டம் உள்ளது.
இயற்கை சீற்றங்களிலிருந்து துறைமுகத்தை பாதுகாக்கவும், கப்பல்கள் தடையின்றி இயங்கவும், ரூ.1,500 கோடி செலவில் 3 கிமீ நீளத்தில் ஆழ்கடல் பகுதியில் அக்ரோபாட் கற்களால் கட்டப்பட்ட அலைதடுப்பு பாய்மதி அமைக்கப்பட்டுள்ளது. இது ஒரு பொறியியல் சாதனை.
சென்னை ஐஐடி-யுடன் இணைந்து உருவாக்கப்பட்ட தானியங்கி கப்பல் கிரேன்கள், தானியங்கி யார்டு கிரேன்கள் மற்றும் செயற்கை நுண்ணறிவுடன் கூடிய வெஸ்ஸல் டிராஃபிக் மேனேஜ்மென்ட் சிஸ்டம் (VDMS) ஆகிய தொழில்நுட்பங்கள் மூலம் துறைமுகத்தின் அனைத்து நடவடிக்கைகளும் அதானி குழும ஊழியர்களால் மைய அலுவலகத்தில் இருந்து கணினி மூலம் மேற்பார்வை செய்யப்பட்டு செயல்படுகின்றன. இதனால், ஒரு கண்டெய்னரை ஏற்றவோ இறக்கவோ 1.5 நிமிடங்களில் முடிக்க முடிகிறது.
இந்த துறைமுகத்தின் சிறப்பம்சங்களை விளக்கும் அதானி குழுமத்தினர், “கடல், விமானம் மற்றும் சாலை மூலமாக கண்டெய்னர் போக்குவரத்துக்கு தானியங்கி தொழில்நுட்பம் பயனளிக்க இந்த துறைமுகம் முன்னோடியாக செயல்படுகிறது. திருவனந்தபுரம் விமான நிலையம் 16 கிமீ தொலைவில் உள்ளது. தேசிய நெடுஞ்சாலை ஒரு கிமீ தூரத்தில் உள்ளது. மேலும், 10 கிமீ தொலைவிற்கு திருவனந்தபுரம்-கன்னியாகுமரி ரயில் பாதையை இணைக்கும் சுரங்கப்பாதை அமைக்கும் திட்டம் செயல்படுகிறது,” என்றனர்.
இந்தியாவில் ஆண்டுக்கு சராசரியாக 50–60 லட்சம் கண்டெய்னர்கள் பரிமாறப்படுவதில், 75% வரை கொழும்பு, துபாய், சிங்கப்பூர் போன்ற வெளிநாட்டு துறைமுகங்கள் வழியே நடைபெறும். இதனை மாற்ற, இந்திய உள்நாட்டு பரிமாற்றத்திற்கு விழிஞ்ஞம் துறைமுகம் தீர்வாகிறது. கடல்வழி உள்நாட்டு வர்த்தகம், வேலை வாய்ப்புகள், சுற்றுலா ஆகியவை அதிகரிக்கும்.
கண்டெய்னர் கையாளும் கட்டணம் 200 முதல் 300 டாலர் வரை குறையும். பன்னோக்கு கடல்தளம், உன்னத தொழில்நுட்பம், பசுமை சூழல், கழிவுநீர் மேலாண்மை, குறைந்த கார்பன் உமிழ்வு, பதுங்குக் குழிகள், வேர் ஹவுச்கள் என முழுமையான அடித்தள வசதிகள் இத்துறைமுகத்தில் உள்ளன.
முன்னணிப் பன்னாட்டு துறைமுகங்கள் ஆட்சி செய்துவரும் ஜேட் மற்றும் டிராகன் சேவைகளிலும் விழிஞ்ஞம் இணைக்கப்பட்டுள்ளது என்பது மற்றொரு முக்கிய அம்சமாகும். இதனால், சர்வதேச மாறி மாறி பாகப்படும் சரக்கு போக்குவரத்தில் இந்தியாவின் முதல் தானியங்கி கிரேன் துறைமுகமாக விழிஞ்ஞம் தனிச்சிறப்பை பெற்றுள்ளது.
“அடுத்த 10 ஆண்டுகளில் இந்தியா 10 லட்சம் கோடி டாலர் மதிப்பிலான கடல்சார் பொருளாதார இலக்கை நோக்கி நகரும் போது, விழிஞ்ஞம் தனது பங்கினை உறுதியாக வழங்கும்” என்றனர்.
