அமெரிக்கா வரி உயர்த்தியிருந்தாலும் ஜிஎஸ்டி சீர்திருத்தம் பாதிப்பை குறைக்கும் – நிர்மலா சீதாராமன்
மத்திய நிதியமைச்சர் நிர்மலா சீதாராமன் தெரிவித்ததாவது, ஜிஎஸ்டியில் நடக்கும் புதிய சீர்திருத்தம் அமெரிக்காவின் வரி உயர்வு ஏற்படுத்தும் பாதிப்பை சமாளிக்க உதவும்.
நிர்மலா சீதாராமன் கூறியதாவது:
“ஜிஎஸ்டி குறைப்பு நுகர்வை அதிகரித்து நாட்டின் பொருளாதாரத்தை ஊக்குவிக்கும். இதனால் இந்த நிதியாண்டின் இறுதியில் எந்தவித பாதிப்பும் ஏற்படாது. வரி குறைப்பு மாற்றங்கள் மக்கள் நுகர்வு முறையை உறுதிப்படுத்தும்; அதனால் இந்திய பொருளாதாரம் வலிமையாக உள்ளது.
ஜிஎஸ்டி சீர்திருத்தம் பொதுமக்கள் மற்றும் ஏழைகளுக்கும் நேரடியாக உதவும். இதனால் வரும் வருவாய் இழப்பும் இந்த நிதியாண்டிலேயே சமாளிக்கப்படும். இது எந்தவொரு வெற்றி அல்லது சாதனையாகக் கருதப்பட வேண்டியதல்ல; மக்கள் செயல்பாடு முக்கியம்.
இந்த மாற்றங்கள் இந்தியாவின் வளர்ச்சியை விரைவாக முன்னெடுத்து, நம்மை உலகில் மூன்றாவது பெரிய பொருளாதாரமாக மாற்றும் திறன் கொண்டது. இந்த நடவடிக்கை சுமார் 140 கோடி மக்களுக்கு பயனளிக்கும்” என நிர்மலா சீதாராமன் வலியுறுத்தினார்.
