மகளிர் ஒருநாள் கிரிக்கெட் உலகக் கோப்பை தொடருக்கான அட்டவணையை ஐசிசி வெளியிட்டுள்ளது. இதில் இந்தியா – பாகிஸ்தான் மோதல் அக்டோபர் 5-ம் தேதி இலங்கையில் நடைபெறும் என அறிவிக்கப்பட்டுள்ளது.
வரும் செப்டம்பர் 30 முதல் நவம்பர் 2 வரை இந்தியாவில் நடைபெற உள்ள மகளிர் ஒருநாள் உலகக் கோப்பை தொடருக்கான முழுமையான திட்டம் ஐசிசி (ICC) அதிகாரப்பூர்வமாக இன்று வெளியிட்டுள்ளது. பாகிஸ்தான் அணியின் அனைத்து ஆட்டங்களும் இலங்கையில் நடத்தப்படும் எனவும் குறிப்பிடப்பட்டுள்ளது.
2013-ம் ஆண்டுக்குப் பின் முதன்முறையாக இந்தியா, இந்த பெரும் தொடரை நடத்தும் வாய்ப்பு பெறுகிறது. இந்த போட்டியில் 8 அணிகள் பங்கேற்கின்றன:
இந்தியா, ஆஸ்திரேலியா, இங்கிலாந்து, நியூசிலாந்து, தென் ஆப்பிரிக்கா, இலங்கை, பாகிஸ்தான், வங்கதேசம்.
ரவுண்ட் ராபின் முறையில் நடைபெறும் இந்த தொடரில் ஒவ்வொரு அணியும் மற்ற அணிகளுடன் ஒரு முறை மோதும். புள்ளிகளின் அடிப்படையில் முதலிலிருக்கும் நான்கு அணிகள் அரை இறுதிப் போட்டிகளுக்கு முன்னேறும்.
தொடர் தொடக்கம்
- செப்டம்பர் 30: இந்தியா தனது முதல் ஆட்டத்தில் இலங்கையை சந்திக்கிறது.
- இடம்: பெங்களூரு – சின்னசாமி மைதானம்
முக்கிய ஆட்டங்கள்:
- அக்டோபர் 5: இந்தியா vs பாகிஸ்தான் – கொழும்பு
- அக்டோபர் 9: இந்தியா vs தென் ஆப்பிரிக்கா – விசாகப்பட்டிணம்
- அக்டோபர் 12: இந்தியா vs ஆஸ்திரேலியா – விசாகப்பட்டிணம்
- அக்டோபர் 19: இந்தியா vs இங்கிலாந்து – இந்தூர்
- அக்டோபர் 23: இந்தியா vs நியூசிலாந்து – குவாஹட்டி
- செப்டம்பர் 26: இந்தியா vs வங்கதேசம் – பெங்களூரு
ஆஸ்திரேலியாவின் தொடக்க ஆட்டம்:
- அக்டோபர் 1: ஆஸ்திரேலியா vs நியூசிலாந்து – இந்தூர்
அரை இறுதி மற்றும் இறுதிப்போட்டிகள்:
- அரை இறுதி 1 – அக்டோபர் 29: குவாஹட்டி / கொழும்பு
- அரை இறுதி 2 – அக்டோபர் 30: பெங்களூரு / கொழும்பு
- இறுதிப்போட்டி – நவம்பர் 2: பெங்களூரு / கொழும்பு
குறிப்பு: பாகிஸ்தான் அணி அரை இறுதி அல்லது இறுதிப்போட்டிக்கு தகுதியடைந்தால் மட்டுமே, அவற்றை கொழும்பு நகரில் நடத்தும். இல்லையெனில் அந்த போட்டிகள் இந்தியாவில் நடைபெறும்.
