2007-ஆம் ஆண்டு டி20 உலகக் கோப்பையில் தோனி தலைமையிலான இந்திய அணி சாம்பியன் ஆனது. தற்போது அதேபோல் இங்கிலாந்து பயணித்துள்ள ஷுப்மன் கில் தலைமையிலான டெஸ்ட் அணியை முன்னாள் தமிழக வீரரும் பயிற்சியாளருமான டபிள்யூ.வி. ராமன் ஒப்பிட்டுள்ளார்.
இங்கு ராமன் கூறுவதை தவறாக புரிந்து கொள்ளக்கூடாது. அவர் கில் உலகக் கோப்பையை வெல்வார் என உறுதி கூறவில்லை. ஆனால், இருவரும் ஒரு சந்தர்ப்பத் தொற்றத்தில் உள்ளனர். 2007-ல் தோனி தலைமையிலான அணியிடம் பெரிதாக எதிர்பார்ப்பு எதுவுமில்லை. அதேபோல் தற்போது விராட் கோலி, ரோஹித் சர்மா, புஜாரா, ரஹானே போன்ற முக்கிய வீரர்கள் இல்லாத காரணத்தால், இந்நிலையில் இந்திய அணியின் மீது உள்ள அழுத்தம் குறைவாகவே உள்ளது. இதுதான் வீரர்களுக்கு சுதந்திரமாக விளையாட அனுமதிக்கும் எனவும், அது அணிக்குச் சாதகமாக அமையும் எனவும் ராமன் கூறுகிறார்.
அதுபோல, 2007-ம் ஆண்டிலும் இந்திய அணி மாற்றத்திலிருந்தது. தற்போது இந்த டெஸ்ட் அணியும் புதிய பரிமாணத்தை நோக்கி பயணிக்கிறது. இந்நிலையில் ராமன் கூறுகிறார்:
“இந்த அணிக்குத் தற்போதைய நிலைமை சவாலாக இருக்கலாம். ஆனால் 2007-ல் டி20 உலகக் கோப்பையின் போது தோனி தலைமையிலான அணிக்கு இருந்த சூழலே இன்றைய சூழலுக்கும் ஒத்ததாக உள்ளது. அப்போது எதிர்பார்ப்பு குறைவாக இருந்தது. இப்போதும் அதே நிலை. இது ஷுப்மன் கில் தலைமையிலான அணிக்கு ஆதாயமாக இருக்கும். இந்த நிலைமையில்தான் இந்திய அணி சில வியக்கத்தக்க முடிவுகளை கொடுக்கக்கூடும். இங்கிலாந்தில் டெஸ்ட் தொடரில் வெற்றிகள் குறைவாக இருந்தாலும், 1971-ல் அஜித் வடேகரின் தலைமையில், பகவத் சந்திரசேகரின் ஸ்பின் பந்துவீச்சில் இந்தியா வரலாற்று வெற்றியை பெற்றது. அதுபோன்று இப்போதும் அதே மாதிரியான அதிர்ச்சி வெற்றிகளை இந்தியா பெற வாய்ப்பு உள்ளது” என்று அவர் நம்பிக்கை தெரிவித்துள்ளார்.
இங்கிலாந்தில் வெற்றிபெற பும்ராவின் பந்துவீச்சு மிக முக்கியம். ஆனால் ஸ்கை ஸ்போர்ட்ஸ் தகவலின்படி, அவர் வெறும் மூன்று டெஸ்ட் போட்டிகளில் மட்டுமே பங்கேற்கக்கூடும் என தெரிவிக்கப்படுகிறது. அதேபோல், குல்தீப் யாதவ் உள்ளிட்டவர்களை பெயருக்காக மட்டும் அணியில் சேர்த்துவிட்டு விளையாடவிடாமல் வைப்பது தவறு. இங்கிலாந்து பேட்ஸ்மேன்களுக்கு அவரது ரகசிய பந்துவீச்சு எப்போதுமே சவாலாகவே இருக்கிறது. அவரை தவறாக மதிப்பீடு செய்தால், எதிரிகள் பல ளாபங்களை எடுத்துக்கொள்ளக்கூடும்.
இணையத்தில் தீவிரமாக பேசப்படும் இன்னொரு விவாதம் – கம்பீர் மற்றும் கில் இருவரும் அணித் தேர்வின் பொறுப்பில் உள்ளனர். இதில் தவறு செய்தால், தானாகவே களத்திலும் விளைவுகள் வரும். எனவே, முன்னோக்கிப் பார்த்து திட்டமிட்டு செயல்படவேண்டும். அது தான் தொடரின் வெற்றிக்கான நிச்சய வழியாக இருக்கும் என்பதில் மாற்றுக்கருத்தே இல்லை.
