“விராட் – ரோஹித் கலவையாக ஷுப்மன் கில்… ஆனால் தனிப்பட்ட பாணியில் அணியை வழிநடத்துவார்” – ஜாஸ் பட்லர்
இந்திய டெஸ்ட் அணியின் புதிய கேப்டனாக ஷுப்மன் கில் நியமிக்கப்பட்டு, ஐந்து டெஸ்ட் போட்டிகள் கொண்ட தொடருக்காக இங்கிலாந்து பயணம் மேற்கொண்டுள்ளார். ஹெட்டிங்லியில் ஜூன் 20 அன்று தொடங்கும் முதல் டெஸ்ட் போட்டியை முன்னிட்டு, இங்கிலாந்தின் விக்கெட் கீப்பர் ஜாஸ் பட்லர் தனது பார்வையை வெளிப்படுத்தியுள்ளார்.
ஸ்டூவர்ட் பிராடுடன் நடைபெற்ற உரையாடலில் பட்லர் கூறியதாவது:
“ஷுப்மன் கில் மிகுந்த திறமையுடன் தோன்றும் இளம் வீரர். பேசும்போது அமைதியாக இருப்பவராகக் காணப்படும் அவர், மைதானத்தில் போராடும் மனப்பான்மையுடனும் உணர்வுப்பூர்வமாகவும் செயல்படுகிறார். அவரிடம் ரோஹித் சர்மாவின் அமைதி மற்றும் விராட் கோலியின் தீவிரம் என இருவரின் கலவை இருக்கிறது.”
“ரோகித் திட்டமிட்டு செயல்படுபவர், ஆனால் அவரிடம் சண்டை குணமும் உள்ளது. விராட் கோலி ஆன்மாவை ஒட்டிய உணர்ச்சிமிக்க தலைவர். இவர்கள் இருவரிடமிருந்தும் கற்றுக்கொண்டு, ஷுப்மன் கில் தனக்கென ஒரு பாணியை உருவாக்கியுள்ளார்.”
பட்லர் மேலும் கூறியதாவது:
“தன் கேப்டன்ஷிப் மற்றும் பேட்டிங் இடையே சமநிலையை உருவாக்க வேண்டும். பேட்டிங் செய்வது ஒன்றாக இருந்தாலும், அடுத்து கேப்டனாக செயல்பட வேண்டும். அந்த இரண்டு பொறுப்புகளையும் தலையெழுத்தாக வகுப்பது அவசியம்.”
“இந்திய அணியின் கேப்டனாக இருப்பது மிகப்பெரிய பொறுப்பு. சிலர் கூறுவதுபோல், நாட்டின் பிரதமருக்குப் பிறகு அதிக செல்வாக்கு வாய்ந்த நபர் இந்திய டெஸ்ட் கேப்டன்தான். 150 கோடி மக்கள் கிரிக்கெட்டில் ஆர்வம் கொண்டுள்ள நிலையில், இது மிகுந்த அழுத்தம் கொண்ட பொறுப்பு.”
“விராட் கோலி ராஜா எனில், ஷுப்மன் கில் இளவரசர். நான்காவது நிலைப் பேட்ஸ்மேனாக அவரது இடத்தை உறுதி செய்வதும் ஒரு பெரிய முயற்சியாகும்,” என கூறினார்.
