ரவுடி திருவேங்கடம் பதுக்கி வைத்திருந்த துப்பாக்கியை போலீசார் பறிமுதல் செய்தனர். இன்று அதிகாலை ஆயுதங்களை பறிமுதல் செய்ய சென்ற ரவுடி திருவேங்கடம் தப்ப முயன்றபோது என்கவுன்டரில் சுட்டுக்கொல்லப்பட்டார்.
பகுஜன் சமாஜ் கட்சி மாநில தலைவர் ஆம்ஸ்ட்ராங் கடந்த 5ம் தேதி சென்னை பெரம்பூரில் மர்ம நபர்களால் வெட்டி படுகொலை செய்யப்பட்டார். இந்த வழக்கில் 11 பேரை போலீசார் கைது செய்து சந்தேகத்தின் பேரில் பல்வேறு நபர்களிடம் விசாரணை நடத்தி வருகின்றனர்.
இதுவரை கைது செய்யப்பட்ட 11 பேரையும் 5 நாள் போலீஸ் காவலில் எடுத்து செம்பியம் போலீசார் விசாரணை நடத்தி வருகின்றனர். அவர்களிடம் நடத்திய விசாரணையில் பல்வேறு தகவல்கள் கிடைத்துள்ளன. கொலை செய்த பின்னர் ஆயுதங்களை எங்கோ வைத்திருந்ததாக அவர்கள் தெரிவித்தனர்.
மாதவரம் பகுதியில் ஆயுதங்களை பதுக்கி வைத்திருப்பதாக கொலையாளிகள் கூறியதை அடுத்து, கைது செய்யப்பட்ட குற்றவாளிகளில் ஒருவரான திருவேங்கடம் இன்று அதிகாலை மாதவரம் புழல் சைவ நகர் பகுதிக்கு அழைத்துச் செல்லப்பட்டார்.
புதர் மண்டிய பகுதி அருகே சென்றபோது, திருவேங்கடம் தான் மறைத்து வைத்திருந்த ஆயுதங்களை எடுத்து போலீசாரை தாக்க முயன்றதாக போலீசார் தெரிவித்தனர். இதனால், தற்காப்புக்காக போலீசார் துப்பாக்கிச்சூடு நடத்தினர்.
திருவேங்கடம் வலது தோள் மற்றும் மார்பில் குண்டு பாய்ந்ததில் சம்பவ இடத்திலேயே உயிரிழந்தார். இதையடுத்து உயர் போலீஸ் அதிகாரிகள் சம்பவ இடத்திற்கு சென்று விசாரணை நடத்தி வருகின்றனர். மேலும், உட்டி திருவேங்கடம் பதுக்கி வைத்திருந்த துப்பாக்கியையும் போலீசார் பறிமுதல் செய்துள்ளனர்.
விசாரணையில், ஆம்ஸ்ட்ராங் கொலை செய்யப்படுவதற்கு 10 நாட்களுக்கும் மேலாக, திருவேங்கடம் தனது ஆட்டோவில் வந்து அவரைச் சந்தித்து, அவரது செயல்பாடுகள் குறித்து தனது கூட்டாளிகளுக்குத் தெரிவித்து வந்தது தெரியவந்தது.
2014ல் குன்றத்தூர் கொலையிலும், 2015ல் தாமரைப்பாக்கம் சன்னதியில் நடந்த திருவள்ளூர் பகுஜன் சமாஜ் கட்சி மாவட்ட தலைவர் தென்னரசு கொலையிலும் திருவேங்கடம் தொடர்புடையவர்.
