‘மதராஸி’ படத்தின் கதைக்களம் என்ன?
சிவகார்த்திகேயன் நடித்துள்ள ‘மதராஸி’ படத்தின் கதைக்களம் தற்போது வெளிச்சம் பார்த்துள்ளது. இயக்குனர் ஏ.ஆர்.முருகதாஸ் சமீபத்திய பேட்டியில், “‘கஜினி’ மாதிரியான திரைக்கதையும், ‘துப்பாக்கி’ போன்ற ஆக்ஷன் காட்சிகளும் கொண்ட படமே ‘மதராஸி’” என குறிப்பிட்டார்.
‘கூலி’ படத்தின் வெளியீட்டிற்காக ‘மதராஸி’ பட விளம்பரப் பணிகள் தொடங்கப்படவில்லை என்ற நிலையில், தற்போது வெளிநாட்டு தணிக்கை பணிகளில் இருந்து ‘மதராஸி’ கதைக்களம் இணையத்தில் வெளியாகி உள்ளது.
அதன்படி, ‘மதராஸி’ என்பது ஒரு அதிரடியான காதல் கதை. தமிழ்நாட்டில் பணிபுரியும் சிறப்பு குழுவும், சக்திவாய்ந்த வட இந்திய மாஃபியாவும் இடையேயான மோதல்களை படம் எடுத்துள்ளது. இந்த மோதலுக்கு இடையில் காதல், பழிவாங்குதல் மற்றும் தியாகம் போன்ற உணர்வுகள் ஆழமாக நுழைந்து கதை உருவாகிறது என்று படக்குழு கூறியுள்ளது.
இப்படத்தில் சிவகார்த்திகேயன், வித்யூத் ஜாம்ப்வால், பிஜு மேனன், ருக்மணி வசந்த், விக்ராந்த் ஆகியோர் நடிக்கின்றனர். இசையமைப்பாளராக அனிருத் பணியாற்றி வருகிறார். ‘மதராஸி’ படம், இயக்குநர் ஏ.ஆர்.முருகதாஸின் வெற்றிப் பாதையை தொடரும் படியாக இருக்கும் என்று எதிர்பார்க்கப்படுகிறது.
