விஷால் – ரவி அரசு இணையும் ‘மகுடம்’
ரவி அரசு இயக்கத்தில் விஷால் நடிக்கும் படத்திற்கு ‘மகுடம்’ எனப் பெயர் சூட்டப்பட்டுள்ளது.
ரவி அரசு இயக்கத்தில் விஷால் நடிக்கும் படத்தை ஆர்.பி. செளத்ரி தயாரித்து வருகிறார். படப்பிடிப்பு ஊட்டியில் நடைபெற்று வருகிறது. இதில் சண்டை காட்சிகளை இணைத்து உருவாக்கி வருகிறார்கள். தற்போது படக்குழு இப்படத்துக்கு ’மகுடம்’ எனத் தலைப்பு வைக்கப்பட்டுள்ளது.
இதில் துஷாரா விஜயன், அஞ்சலி, தம்பி ராமையா, அர்ஜெய் மற்றும் பலர் விஷாலுடன் நடித்து வருகிறார்கள். ஒரே கட்டமாக இதன் படப்பிடிப்பை முடிக்க படக்குழு தீவிரமாக பணியாற்றி வருகிறது. தற்போது படக்குழு அறிமுக வீடியோவுடன் தலைப்பையும் வெளியிட்டுள்ளது.
‘மதகஜராஜா’ படத்தின் வெற்றிக்குப் பிறகு, விஷால் நடிக்கும் படமாக இது உருவாகி வருகிறது. இதனால் படத்திற்கு பெரும் எதிர்பார்ப்பு உள்ளது. சூப்பர் குட் பிலிம்ஸ் தயாரிப்பில் உருவாகும் 99-வது படம் என்பதும் குறிப்பிடத்தக்கது.
