சிம்பு – வெற்றிமாறன் படம் கைவிடப்பட்டதா?
வெற்றிமாறன் இயக்கத்தில் சிம்பு நடிக்கவிருந்த படம் தற்போது கைவிடப்பட்டதாக தகவல்கள் வெளியாகியுள்ளன.
முன்னதாக, வெற்றிமாறன் தனது யூடியூப் பக்கத்தில் வெளியிட்ட வீடியோவில், சிம்புவுடன் ஒரு புதிய படம் செய்வது உறுதி என அறிவித்திருந்தார். இந்தப் படத்தை தாணு தயாரிப்பார் என்றும் கூறப்பட்டது. உண்மையில், இந்த கூட்டணியை சாத்தியமாக்கியவர் தாணு என்பதும் குறிப்பிடத்தக்கது.
ஆனால் சமீபத்திய தகவல்களின் படி, சம்பள பேச்சுவார்த்தையில் ஏற்பட்ட சிக்கல்களால் திட்டம் நிறுத்தப்பட்டதாக தெரிகிறது. சிம்புவின் சம்பளத் தொகை மற்றும் பட்ஜெட்டை கணக்கிடுகையில், உரிமைகள் விற்பனையிலிருந்து லாபம் ஈட்ட இயலாத சூழல் உருவானதால், தயாரிப்பாளர் தாணு திட்டத்தை கைவிட்டதாக கூறப்படுகிறது.
இதனால், சிம்பு – வெற்றிமாறன் கூட்டணி தாமதமோ அல்லது ரத்து செய்யப்பட்டதோ போல உள்ளது. தற்போது வெற்றிமாறன் தனது ‘வாடிவாசல்’ படப்பணிகளில் முழுமையாக கவனம் செலுத்தி வருகிறார். சிம்பு படத்துக்கான ப்ரோமோ பணிகள் நடந்துவந்தாலும், சம்பள விவகாரத்தில் உடன்பாடு எட்டப்படாததால் படப்பிடிப்பு தொடங்க வாய்ப்பு இல்லை என்பது தெளிவாகியுள்ளது.
