தெலுங்கு இயக்குநர் வேணு உடுகுலாவுடன் தனுஷ் புதிய படம்
தெலுங்கு திரைப்பட இயக்குநர் வேணு உடுகுலா இயக்கவுள்ள புதிய படத்தில் நாயகனாக தனுஷ் நடிக்க ஒப்பந்தமாகியுள்ளார்.
முன்னதாக வெங்கி அட்லுரி இயக்கிய சார் மற்றும் சேகர் கம்முலா இயக்கிய குபேரா படங்களில் நடித்திருந்த தனுஷ், இரண்டு படங்களும் பாக்ஸ் ஆபிஸில் நல்ல வெற்றி பெற்று தயாரிப்பாளர்களுக்கு லாபம் சேர்த்தன. இதையடுத்து பல தெலுங்கு இயக்குநர்கள் தனுஷிடம் கதைகள் சொல்ல வந்துள்ளனர்.
அவற்றில் வேணு உடுகுலா எழுதிய கதை தனுஷுக்கு மிகவும் பிடித்ததால், உடனடியாக ஒப்புதல் அளித்ததாகத் தகவல்கள் வெளியாகியுள்ளது. இந்தப் படத்தை யுவி கிரியேஷன்ஸ் நிறுவனம் தயாரிக்கிறது. தனுஷ் தற்போது நடித்து வரும் திட்டங்களை முடித்த பின், வேணு உடுகுலா இயக்கும் இப்படத்துக்கு தேதிகளை ஒதுக்கவுள்ளார்.
ராணா–சாய் பல்லவி ஜோடியாக நடித்த விரடா பருவம் படத்தின் இயக்குநரே வேணு உடுகுலா என்பது குறிப்பிடத்தக்கது.
இதற்கிடையில், விக்னேஷ் ராஜா இயக்கும் படத்தில் தனுஷ் தற்போது பிஸியாக உள்ளார். ராமநாதபுரத்தில் இதன் படப்பிடிப்பு நடந்து வருகிறது. அதை முடித்த பின், அமரன் இயக்குநர் ராஜ்குமார் பெரியசாமி இயக்கவுள்ள மற்றொரு படத்தில் அவர் நடிக்கவுள்ளார்.
