ஆஸ்கர் செல்லும் படத்திற்கு தணிக்கைக் குழுவின் எதிர்ப்பு
அடுத்த ஆண்டு நடைபெறும் 98-வது ஆஸ்கர் விருதுக்கு இந்தியா சார்பில் ‘ஹோம்பவுண்ட்’ என்ற இந்திப் படம் அதிகாரப்பூர்வமாகத் தேர்வு செய்யப்பட்டுள்ளது.
நீரஜ் கேவான் இயக்கத்தில் தயாரிக்கப்பட்ட இதில், இஷான் கட்டார், விஷால் ஜெத்வா, ஜான்வி கபூர் உள்ளிட்ட நடிகர்கள் நடித்துள்ளனர். படம் நேற்று வெளியிடப்பட்டது. பல சர்வதேசப் பட விழாக்களில் திரையிடப்பட்டு வரவேற்பைப் பெற்ற இந்தக் கதை, தி நியூயார்க் டைம்ஸ் பத்திரிகையில் பஷாரத் பீர் எழுதிய கட்டுரையை அடிப்படையாகக் கொண்டது.
இந்தக் படத்தின் சில காட்சிகள் மற்றும் வசனங்களுக்கு தணிக்கைக் குழு கடுமையாக எதிர்ப்பு தெரிவித்தது. பின்னர் மறு பரிசீலனை குழு படத்தை மதிப்பாய்வு செய்து, 11 காட்சிகளை மாற்றுமாறு ஆலோசனை வழங்கி, பின்னர் யு/ஏ சான்றிதழ் வழங்கியுள்ளனர்.
Facebook Comments Box
