‘சூப்பர் சிங்கர்’ போட்டியாளருக்கு யுவன் பரிசு

விஜய் தொலைக்காட்சியில் ஒளிபரப்பாகும் ரியாலிட்டி நிகழ்ச்சி ‘சூப்பர் சிங்கர்’ 11-வது சீசன் தற்போது நடை பெறுகிறது. இதில் உன்னிகிருஷ்ணன், அனுராதா ஸ்ரீராம், இயக்குனர் மிஷ்கின் மற்றும் இசையமைப்பாளர் தமன் நடுவர்களாக பங்கேற்கின்றனர்.

இந்த வாரம் நிகழ்ச்சி ‘செலிப்ரேட்டிங் இசை’ என தலைப்பிட்டு, இசைஞானி இளையராஜாவின் இசையை நினைத்து அடுத்த மூன்று எபிசோடுகள் ஒளிபரப்பாகவுள்ளது. இதில் போட்டியாளர்கள் முழுமையாக இளையராஜா பாடல்களை பாடப்போகிறார்கள்.

சிறப்பு விருந்தினர்களாக இயக்குனர் வெங்கட்பிரபு, இசையமைப்பாளர் யுவன் சங்கர் ராஜா மற்றும் கங்கை அமரன் கலந்து கொண்டனர். இளையராஜா பாடல்களைப் போல பாடிய போட்டியாளர் சரணுக்கு, யுவன் சங்கர் ராஜா, இளையராஜாவின் புகைப்படம் பதித்த டீசர்ட்டை பரிசளித்து வாழ்த்து தெரிவித்தார்.