மெடிக்கல் கிரைம் த்ரில்லர் ‘அதர்ஸ்’ – நவம்பர் 7 வெளியீடு
கிராண்ட் பிக்சர்ஸ் தயாரிப்பில் புதுமுகம் ஆதித்ய மாதவன், கவுரி கிஷன், அஞ்சு குரியன் முன்னணி வேடங்களில் நடித்துள்ள படம் ‘அதர்ஸ்’. மெடிக்கல் கிரைம் த்ரில்லராக உருவாகிய இந்த திரைப்படத்தை அறிமுக இயக்குனர் அபின் ஹரிஹரன் எழுதி இயக்கியுள்ளார்.
அரவிந்த் சிங் ஒளிப்பதிவு செய்திருப்பார்; ஜிப்ரான் இசையமைத்துள்ளார். ராமர் எடிட்டிங் பணிகளை கவனித்துள்ளார். பிரதீப் சண்டை காட்சிகளையும், சந்தோஷ் நடன அமைப்பையும் இப்படத்தில் கையாண்டுள்ளனர்.
முக்கிய கதாபாத்திரங்களில் ‘முண்டாசுபட்டி’ ராமதாஸ், ‘நண்டு’ ஜகன், ஹரிஷ் பெரோடி, வினோத் சாகர், ஆர். சுந்தர்ராஜன் உள்ளிட்டோர் நடித்துள்ளனர். சில வாரங்களுக்கு முன்பு இப்படத்தின் ஃபர்ஸ்ட் லுக் வெளியிடப்பட்டது. தற்போது படக்குழு அறிவித்ததாவது, இப்படம் நவம்பர் 7-ம் தேதி வெளியாகவுள்ளது.
