ஷுப்மன் கில் தலைமையிலான இந்திய டெஸ்ட் கிரிக்கெட் அணி, ஐந்து போட்டிகள் கொண்ட தொடரில் பங்கேற்பதற்காக இங்கிலாந்து பயணத்தை மேற்கொண்டுள்ளது. இத்திரையில் முதல் டெஸ்ட் ஜூன் 20 ஆம் தேதி ஹெடிங்லியில் தொடங்க உள்ளது.
இந்த தொடரை முன்னிட்டு, இந்திய அணியின் முன்னணி வேகப்பந்துவீச்சாளர் ஜஸ்பிரீத் பும்ரா, ஸ்கை ஸ்போர்ட்ஸ் சேனலுக்கு வழங்கிய நேர்காணலில், முன்னாள் இந்திய வீரரும் கமெண்டேட்டருமான தினேஷ் கார்த்திக்குடன் உரையாடினார்.
அப்போது பும்ரா கூறியதாவது:
“நான் டெஸ்ட் கேப்டனாக தேர்வு செய்யப்படவில்லை என்பது தொடர்பாக எந்த வதந்தியோ, விவாதமோ எழவில்லை. ரோஹித் சர்மா மற்றும் விராட் கோலிக்கு ஓய்வு வழங்கப்படும் சூழ்நிலையில், ஐபிஎல் தொடரின் போது பிசிசிஐயுடன் என் பணிச்சுமையைப் பற்றிப் பேசியிருந்தேன்.”
“அறுவை சிகிச்சை நிபுணர் எனக்கு எப்போதும், நீண்ட கால போட்டி திட்டங்களில் சுமைகளை எப்படி கையாள வேண்டும் என்பதை ஆலோசனை தருவார். அதனால், சற்று விவேகமாக செயல்பட வேண்டிய அவசியத்தை உணர்ந்தேன்.”
“அதன் அடிப்படையில், பிசிசிஐயை நேரடியாக தொடர்பு கொண்டு, இந்த 5 டெஸ்ட் போட்டிகளில் அனைத்திலும் பங்கேற்க இயலாது என்பதனால், கேப்டனாக நான் இருக்க விரும்பவில்லை என்று தெரிவித்தேன். அவர்கள் எனக்கு தலைமை பொறுப்பை வழங்க விரும்பினாலும், அணிக்கே அது பொருத்தமாக இருக்காது என்பதையடுத்து அதை நான் மறுக்க வேண்டியிருந்தது.”
“ஐந்து போட்டிகளுக்குள் இருவருக்கும் தலைமை மாற்றம் ஏற்படுவது அணிக்கே பாதிப்பை ஏற்படுத்தும். அதே நேரத்தில், தலைமை பொறுப்பு ஏற்ற பிறகு எதிர்பாராத இடையே விலக வேண்டிய சூழ்நிலையை நான் விரும்பவில்லை.”
“தலைமை என்பது ஒரு மிகப்பெரிய பொறுப்பு. அதற்காக நான் பெரிதும் உழைத்தேன். இருப்பினும், சில நேரங்களில் முக்கியமான விடயங்களை முன்னிலைப்படுத்த வேண்டிய தேவை ஏற்படுகிறது. எனக்கு கேப்டன்சிக்கு மேல் கிரிக்கெட்டில்தான் அதிக ஆர்வம். அதனால், ஒரு வீரராக இந்திய அணிக்கு என் பங்களிப்பை முழுமையாக வழங்க விரும்புகிறேன்” என பும்ரா தெரிவித்துள்ளார்.
