எட்ஜ்பாஸ்டனில் இந்திய அணியின் வெற்றிக்கு நாயகனாக உருமாறியவர் ஷுப்மன் கில். அந்தப் போட்டியில் 430 ரன்கள் குவித்ததோடு மட்டும் முடிவடையவில்லை, தனது சிறப்பான தலைமைத்திறமையால் இங்கிலாந்தை வீழ்த்தவும் வழிவகுத்தார். இது தான் செய்தி. ஆனால், இங்கிலாந்தின் முன்னாள் கிரிக்கெட் வீரரும் விமர்சகருமான மார்க் ராம்பிரகாஷ் கூறும் பாராட்டுகள் இன்னும் ஒருவிதமான உணர்வை அளிக்கின்றன — “கில் வெறும் ரன்கள் மட்டும் அடிக்கவில்லை; இங்கிலாந்து அணியின் உறுதியையே சிதைத்துவிட்டார்” என்கிறார்.
‘தி கார்டியன்’ இதழில் அவர் எழுதியுள்ள கட்டுரையில் கூறியிருப்பதாவது:
“ஷுப்மன் கில் இந்த போட்டியில் ஆடிய இன்னிங்ஸ் சாதாரணமல்ல. அவர் அள்ளிக்கொண்ட ரன்கள் மட்டுமல்ல, அவரது ஆட்டத்தில் இருந்த ஒற்றுமை, நிலைத்த தன்மை, பீல்டிங் செய்யும் இங்கிலாந்து வீரர்களை நீண்ட நேரம் களத்தில் வைத்து அசைப்பு உணரச் செய்தது. அவர் ஆடிய இடையில்லா இன்னிங்ஸ், பந்துவீச்சாளர்களுக்கும் பீல்டர்களுக்கும் நிச்சயமாக ஒரு சவாலாக இருந்தது. இதனால், இங்கிலாந்து பேட்டர்கள் களமிறங்கும் போது ஒரு களைப்பும் குழப்பமும் நிலவியது. எந்த பந்தை விளாச வேண்டும், எதை விட்டுவிட வேண்டும் என்பதில் தெளிவில்லாமல், கெட்ட தெரிவுகளோடு ஆடியனர். மேலும், கிரீசில் அவர்களது கால்நகர்த்தல் மற்றும் உடல் இயக்கங்கள் அனைத்தையும் கில்லின் இன்னிங்ஸ் பாதித்தது.”
கில்லின் ஆட்டம் அவரது திறமை, சக்தி மற்றும் வெற்றிக்கான பசிப்போக்கின் வெளிப்பாடு. அவரது பேட்டிங் மட்டுமல்லாமல், தனது கேப்டன்சியாலும் இளம் இந்திய அணிக்கு ஊக்கம் அளித்துள்ளார். இந்த விளையாட்டில் அவரை எப்படி கையாளுவது என்ற கேள்வி இங்கிலாந்து அணியின் உட்படையில் தற்போதைய விவாதமாகி உள்ளது. பொதுவாக, கேப்டன்சி ஒரு வீரரின் ஆட்டத்தில் கவனச்சிதறலை ஏற்படுத்தும். ஆனால் கில்லின் பங்கேற்பு, அவரை இன்னும் உயர்ந்த நிலைக்கு கொண்டு சென்றிருக்கிறது. அவரது பேட்டிங் ஸ்டைல் — கிளாசிக் டெஸ்ட் கிரிக்கெட் ஸ்டைலை பிரதிபலிக்கிறது.
இப்போது அவர் வெறும் தனிப்பட்ட சாதனையால் மட்டுமல்ல, ஒரு புதிய வரலாறையும் எழுதிக் கொண்டிருக்கிறார். அவர் இவ்வாறு ரன்கள் குவித்துக் கொண்டே சென்றால், டான் பிராட்மேன் 1930 ஆஷஸ் தொடரில் எடுத்த 974 ரன்களையும் மிஞ்ச வாய்ப்பு உள்ளது. போட்டியில் டாஸ் வென்று முதலில் பேட் செய்ய வேண்டும் என்ற ஆலோசனையை கூட, கில் இங்கிலாந்து கேப்டன் ஸ்டோக்ஸுக்கு பரிந்துரைத்ததாகக் கூறப்படுகிறது.
2017-18 ஆஷஸ் தொடரில் நான் இங்கிலாந்து அணியின் பேட்டிங் பயிற்சியாளராக இருந்த போது, ஸ்டீவ் ஸ்மித் மூன்று மாபெரும் இன்னிங்ஸ்களில் இரண்டு சதங்களையும் ஒரு இரட்டை சதத்தையும் விளித்தார். அவர் சராசரியாக 137 ரன்கள் எடுத்தார். எங்களால் அவரை ஆட்டத்தை விட்டு அகற்ற முடியாத அளவுக்கு விளையாடினார். அப்போது, அவரைப் போன்ற ஆட்டக்காரர் எதிரணியில் இருப்பதின் உளவியல் அழுத்தத்தை உணர்ந்தோம்.
அதேபோன்று, இப்போது ஸ்டோக்ஸ் உள்ளிட்ட இங்கிலாந்து அணிக்கு கில்லின் ஆட்டத்தைத் தடுக்க புதிய உத்திகள் தேவை. பிரைடன் கார்ஸ், ஜாஷ் டங் ஆகியோர் நன்றாக பந்து வீசியிருந்தாலும், கில்லின் தரத்தில் உள்ள ஒரு பேட்டருக்கு எதிராக போதுமான அழுத்தத்தை ஏற்படுத்த முடியவில்லை. லார்ட்ஸில் நடைபெறும் அடுத்த போட்டியில் வெப்பநிலை 30 டிகிரிக்கு மேல் இருக்கும்; பந்து அதிகம் ஸ்விங் ஆக வாய்ப்பில்லை. எனவே, ஜோப்ரா ஆர்ச்சரை அணிக்கு கொண்டு வருவது அவசியம். கஸ் அட்கின்சன் அணியில் இணைந்துள்ளார். அவர் மே மாதம் ஜிம்பாப்வேவுக்கு எதிராக பந்து வீசியிருந்தாலும், தற்போது காயத்திலிருந்து மீண்டிருக்கிறார்.
ஜோப்ரா ஆர்ச்சர் மற்றும் சாம் குக் ஆகியோர் இணைந்தால் மட்டுமே, கில் மாறுபட்ட வேகம் மற்றும் பந்துவீச்சு சவால்களை சந்திக்க நேரிடும்.
இவ்வாறு, மார்க் ராம்பிரகாஷ் தனது கட்டுரையில் தெரிவித்திருக்கிறார்.
