இந்தியாவின் பிரபலமான பாட்மிண்டன் வீராங்கனையாக விளங்கும் சாய்னா நேவால் மற்றும் அவரது கணவரும், முன்னாள் முன்னணி பாட்மிண்டன் வீரருமான பருபள்ளி காஷ்யப் இருவரும் தங்களது திருமண வாழ்விலிருந்து வேறுபட உள்ளதாக அறிவித்துள்ளனர். இந்த தகவலை சாய்னா நேரடியாக சமூக ஊடகத்தில் வெளியிட்டுள்ளார். இந்த அறிவிப்பு ரசிகர்களிடையே மிகுந்த அதிர்ச்சியையும், ஆச்சரியத்தையும் ஏற்படுத்தியுள்ளது. குறிப்பிடத்தக்க விஷயமாக, சாய்னா மற்றும் காஷ்யப் ஜோடி கடந்த 2018ஆம் ஆண்டு திருமண பந்தத்தில் இணைந்தனர்.
சாய்னா தனது பதிவில் கூறியிருப்பதாவது:
“வாழ்க்கை ஒருசில நேரங்களில் நம்மை வெவ்வேறு திசைகளில் பயணிக்கத் தூண்டுகிறது. சீராக சிந்தித்து, கவனமாக பரிசீலித்த பிறகு, நானும் காஷ்யப்பும் எங்கள் வாழ்வில் விலகும் முடிவை எடுத்துள்ளோம். இது எங்கள் இருவரின் நலன், மனநிலை அமைதி மற்றும் தனி வளர்ச்சிக்காக எடுத்த பரஸ்பர புரிதலுடன் ஆன தீர்மானமாகும். எதிர்காலம் நம் இருவருக்கும் அமைதியுடன் அமையும் என நம்புகிறேன். கடந்த கால நினைவுகளை மனத்தில் நிலைநிறுத்தி நன்றியுடன் நினைக்கிறேன். எங்கள் தனிமனித தன்மைக்கு மரியாதை வழங்கி, இந்த முடிவை புரிந்துகொண்ட அனைவருக்கும் மனமார்ந்த நன்றியை தெரிவித்துக் கொள்கிறேன்.”
சாய்னா மற்றும் காஷ்யப் இருவரும் சிறு வயதிலிருந்தே ஒரே இடமான கோபிசந்த் பாட்மிண்டன் அகாடமியில் பயிற்சி பெற்றவர்கள். தொடர்ந்து வளர்ந்து, இருவரும் தேசிய மற்றும் உலகளாவிய அளவில் தங்கள் திறமையால் பெரும் கவனம் பெற்றவர்கள்.
சாய்னா நேவால், ஒலிம்பிக் போட்டிகளில் வெண்கல பதக்கம் வென்றதுடன், உலக தரவரிசையில் நம்பர் 1 வீராங்கனையாக இருக்கும் பெருமையை பெற்றவர். இது இந்திய விளையாட்டு வரலாற்றில் முக்கியமான சாதனை. மற்றொரு பக்கம், பருபள்ளி காஷ்யப் ஆடவர் பிரிவில் உலகத் தரவரிசையில் டாப் 10 இடத்தைப் பெற்றதோடு, 2014ஆம் ஆண்டு காமன்வெல்த் போட்டியில் தங்க பதக்கம் வென்றவர். சாய்னாவும் காமன்வெல்த் போட்டிகளில் இருமுறை சாம்பியனாக பதக்கம் வென்ற சாதனை பெற்றுள்ளார்.
