பென் ஸ்டோக்ஸ் மற்றும் இங்கிலாந்து வீரர்கள் – மோசமான நடத்தை மூலம் போட்டியின் மானத்தை மாற்றினர்
மான்செஸ்டர் டெஸ்ட் போட்டி இறுதி கட்டத்தில் நடந்த திருப்பங்களுக்குப் பிறகு, ஜடேஜா மற்றும் வாஷிங்டன் சுந்தர் சதங்களைப் பதிவு செய்ததால் டிராவில் முடிந்தது. ஆனால், இந்த டிரா இந்திய அணிக்கான நெறிசார்ந்த வெற்றியாகவே பார்க்கப்படுகிறது, காரணம் – இங்கிலாந்து அணியும், அதன் கேப்டனும் கடைசி தருணத்தில் காட்டிய தவறான நடத்தை தான்.
15 ஓவர்கள் மீதம் இருக்கும்போது ஆட்டத்தை நிறைவு செய்ய பரஸ்பர ஒப்புதலாகவே முடிவு எடுக்கவேண்டும். இதில், களத்தில் உள்ள எதிரணி வீரர்களான பேட்ஸ்மேன்களின் சம்மதம் அவசியம். அல்லது ஷுப்மன் கில் மற்றும் பென் ஸ்டோக்ஸ் இடையே புரிதலான உரையாடல் நடந்திருக்க வேண்டும். ஆனால் இவற்றில் எதுவும் இல்லாமல், பென் ஸ்டோக்ஸ் தன்னிச்சையாக ஜடேஜாவிடம் கைகொடுத்து முடித்து விடுகிறார். இது அவரது தனிப்பட்ட நிகழ்ச்சி மாதிரியா?
முந்தைய டெஸ்ட் போட்டியிலேயே, இங்கிலாந்து வீரர்கள் ஷுப்மன் கில், ஜடேஜா, சிராஜ் ஆகியோரிடம் “ஸ்லெட்ஜிங்” என்ற பெயரில் பரபரமான வசைச்சொற்களை பயன்படுத்தியிருக்கிறார்கள். ஆனால் அவர்கள் இந்த வசைபோர்களை விராட் கோலி போன்ற திடமான மனதோடு எதிர்கொள்ளும் வீரர்களிடம் பயன்படுத்தத் தயங்குகிறார்கள். அதன் பலனாகவே, லார்ட்ஸ் டெஸ்ட்டில் இந்திய வீரர்கள் பதிலடி கொடுத்தனர்.
அந்த பதிலடியாக இந்த டிரா விளங்குகிறது. பென் ஸ்டோக்ஸ் தனது விருப்பத்துக்கு ஏற்ப ஆட்டத்தை முடிக்கலாம் என நினைத்ததற்கும், மற்றவர்கள் உடனே அதற்குச் சம்மதிக்க வேண்டும் என்ற பாணிக்குமே அவர் எந்த அதிகாரத்தில் இருக்கிறார்? என்கிற கேள்வி எழுகிறது.
போட்டிக்குப் பிறகு சோனி தொலைக்காட்சியில் சுனில் கவாஸ்கர் கூறிய கருத்து மிக முக்கியமானது: “இந்தியா 600 ரன்களுக்கும் மேல் இலக்கை நிர்ணயித்தது, ஏனெனில் இங்கிலாந்து அச்சம் அடைந்தது. ஆனால் அதனை இங்கிலாந்து வீரர்கள் பெருமையாக பேசியும், பின்னர் 336 ரன்கள் வித்தியாசத்தில் தோல்வி கண்டும் விளங்கவில்லை. இந்த டெஸ்ட்டில் 311 ரன்கள் முன்னிலையிலிருந்தும் வெற்றியை உறுதிப்படுத்த முடியவில்லை.”
பென் ஸ்டோக்ஸ் அவுட் ஆனவுடன் உடனே டிக்ளேர் செய்து பவுலர்களுக்கு வாய்ப்பு கொடுக்க வேண்டிய நேரத்தில், அவர் ஆட தொடர விரும்பினார். ஏன்? போட்டியின் இறுதி ஓவர்களை முழுவதும் வீசியிருக்க வேண்டிய தேவை இருந்தது என்று கவாஸ்கர் வலியுறுத்தினார்.
ஸ்டோக்ஸ் இஷ்டப்பட்டால் ஆட்டம் முடியும், வேண்டுமானால் தொடரலாம் என்ற போக்கு எதற்கு? என்ற கேள்வியை பலர் எழுப்பியுள்ளனர்.
வாஷிங்டன் சுந்தரும், ஜடேஜாவும் தங்களது சதங்களை நிரூபிக்க தகுதியானவர்கள் என்பதை ஸ்டோக்ஸ் மதிக்கவில்லை. அவர் சொல்வது, தங்கள் பவுலர்களின் உடல் நிலையை பாதுகாப்பதே முக்கியம். ஆனால் உண்மையில் அவர் விரும்பாதது – அவர்கள் சதமடையக்கூடாது என்பதே.
1982-ம் ஆண்டு கபில்தேவ் மேற்கிந்திய தீவுகளுக்கு எதிராக அதிசயமான சதம் அடித்து இந்திய அணியை தோல்வியிலிருந்து காப்பாற்றினார். அப்போது 82 ரன்களில் இருந்தபோது மே.இ.தீவுகள் கேப்டன்கள் ஆட்டத்தை முடிக்கலாம் எனக் கேட்டபோது, கபில் “முழு ஓவர்களையும் வீசியே முடிக்க வேண்டும்” என்றார். கடுமையான பந்துவீச்சுகளுக்கு எதிராக சதமடித்து வீழ்த்தினார்.
ஆட்டம், அதற்கான ஒப்புதல் உடன்பாட்டுடன் மட்டுமே முடிக்கப்பட வேண்டும். ஜடேஜா மற்றும் வாஷிங்டன் சுந்தர் ஆகியோரிடம் உரையாடாமல் தாங்கள் முடிவு செய்வது, ‘ஜெண்டில்மேன் கேம்’ என இங்கிலாந்து கூறும் விளையாட்டு நெறிக்கு நேராக முரணாகும்.
இங்கிலாந்து பவுலர்கள் பல நேரம் சண்டை போடும்படியான பந்துகளை வீசியும், அதனை தாங்கி ஆடிய ஜடேஜா மற்றும் வாஷிங்டன் சுந்தர், சதமடைக்க இன்னும் 10 ரன்கள் வேண்டுமென்றால் என்ன கெடுகிறதோ? ஆனால் ஸ்டோக்ஸுக்கு இதனை நினைக்கும் மனநிலை இல்லை. மாறாக, மற்றோர்மீது தனது விருப்பங்களை திணிக்கும் எண்ணமே அவரிடம் பிரதிபலித்தது. அவர்களின் சதம் தடுக்கும் நோக்கமே இருந்தும், தற்போது இது ஒரு நல்ல நெறி போன்று இங்கிலாந்து வட்டாரத்தில் பேசப்படுவது தான் மிகுந்த வேதனை.
