ஆசியக் கோப்பை ஹாக்கி: இந்திய அணித் தேர்வு அறிவிப்பு
ஆடவர் ஆசியக் கோப்பை ஹாக்கி போட்டி வரும் ஆகஸ்ட் 24 முதல் செப்டம்பர் 7 வரை பீகார் மாநிலம் ராஜ்கிரில் நடைபெற உள்ளது. மொத்தம் 8 அணிகள் பங்கேற்கும் இந்தத் தொடரில் சாம்பியன் பட்டத்தை வென்ற அணி, 2026 ஆகஸ்டில் பெல்ஜியம் மற்றும் நெதர்லாந்தில் நடைபெறவுள்ள உலகக் கோப்பை ஹாக்கிக்கு நேரடியாக தகுதி பெறும். இதனால், இந்தத் தொடர் மிகுந்த முக்கியத்துவம் பெற்றதாகக் கருதப்படுகிறது.
‘ஏ’ பிரிவில் இடம் பெற்றுள்ள இந்திய அணி தனது முதல் ஆட்டத்தில் ஆகஸ்ட் 29 அன்று சீனாவை எதிர்கொள்கிறது. தொடர்ந்து, ஆகஸ்ட் 31 அன்று ஜப்பான் அணியுடனும், செப்டம்பர் 1 அன்று கஜகஸ்தான் அணியுடனும் இந்தியா மோதுகிறது.
இந்தப் போட்டிக்கான இந்திய அணி நேற்று அறிவிக்கப்பட்டது. டிராக் பிளிக்கர் ஹர்மன்பிரீத் சிங் தொடர்ந்து கேப்டனாகத் தேர்வு செய்யப்பட்டுள்ளார். நடுவரிசை வீரர் ராஜிந்தர் சிங், முன்கள வீரர்கள் ஷில்லானந்த் லக்ரா மற்றும் தில்ப்ரீத் சிங் ஆகியோர் அணிக்கு மீண்டும் சேர்க்கப்பட்டுள்ளனர். இவர்கள், ஷம்ஷேர் சிங், லலித் உபாத்யாய், குர்ஜாந்த் சிங் ஆகியோருக்கு பதிலாக இடம்பிடித்துள்ளனர்.
இந்திய அணி:
- கோல்கீப்பர்கள்: கிருஷ்ணன் பதக், சுராஜ் கார்கீரா
- டிபன்டர்கள்: சுமித், ஜர்மான்பிரீத் சிங், சஞ்ஜய், ஹர்மன்பிரீத் சிங், அமித் ரோஹிதாஸ், ஜுக்ராஜ் சிங்
- நடுவரிசை: ராஜிந்தர் சிங், ராஜ்குமார் பால், ஹர்திக் சிங், மன்பிரீத் சிங், விவேக் சாகர் பிரசாத்
- முன்னணி: மன்தீப் சிங், ஷில்லானந்த் லக்ரா, அபிஷேக், சுக்ஜீத் சிங், தில்ப்ரீத் சிங்
- மாற்று வீரர்கள்: நீலம் சஞ்சீவ், செல்வம் கார்த்தி
